Qazaqstannyń kóptegen bastamalaryn ózimizde iske asyrýdamyz - Tatarstan Prezıdenti
ASTANA. QazAqparat - Tatarstan "Astana" halyqaralyq qarjy ortalyǵymen jan-jaqty yntymaqtastyqqa daıyn. Bul týraly búgin Astana Finance Days sessııasynda Tatarstan Prezıdenti Rýstam Mınnıhanov aıtty, dep habarlaıdy QazAqparat tilshisi.
"Dál osy jerde biz tipti oılap ta kórmegen revolıýtsııalyq sheshimder qabyldanyp jatyr. Bul barynsha baıypty qadam ekendigine kúmán da keltire almaımyn. Sebebi, Qazaqstan kóptegen baǵytta kóshbasshyǵa aınaldy jáne biz óz respýblıkamyzda onyń kópshiligin qabyldap, júzege asyrý ústindemiz", - dedi Tatarstan Prezıdenti.
Sonymen qatar ol Tatarstannyń "Astana" halyqaralyq qarjy ortalyǵymen jan-jaqty yntymaqtastyqqa daıyn ekendigin basa aıtty.
"Sondyqtan Tatarstan sizderdiń belsendi seriktesterińiz bolady jáne tabysty jumystar tileımin. Qabyldanǵan sheshimderdiń barlyǵy da revolıýtsııalyq. Sizderge sáttilik tileımin!", - dedi Rýstam Mınnıhanov.
