Qazaqstannyń kóptegen aımaqtarynda 21 tamyz kúni turaqsyz aýa raıy bolyp, keıbir jerlerde jańbyr jaýady
ASTANA. 20 tamyz. QazAqparat - Qazaqstan Respýblıkasy Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 21 tamyz kúni Qazaqstannyń kóptegen aýmaǵynda aýa raıynyń turaqsyz sıpaty kútiledi, keıbir jerlerde ótkinshi jańbyr jaýady, naızaǵaı oınaıdy, jel kúsheıedi.
Respýblıkanyń ońtústigi me ońtústik-shyǵysynda qurǵaq jáne ystyq aýa raıy saqtalady.
Aqmola oblysynda jeldiń 15-20 m/s deıin kúsheıýi, túnde jel ekpininiń 25 m/s-ke deıin soǵýy kútiledi.
Túnde Almaty oblysyndaǵy Jalańashkól aýdanynda ońtústik-shyǵystan 15-20 m/s-ke deıin jyldamdyqpen jel soǵady.
Jambyl, Mańǵystaý, Atyraý, Batys Qazaqstan, Aqtóbe, Qostanaı, Pavlodar, Soltústik Qazaqstan, Qaraǵandy oblystarynda, kúndiz Shyǵys Qazaqstan oblysynda keıbir jerlerde jeldiń 15-20 m/s deıin jyldamdyqpen soǵýy, túnde jáne tańerteń Soltústik Qazaqstan oblysynda keıbir jerlerde tumannyń túsýi kútiledi.
Almaty, Ońtústik Qazaqstan, Qyzylorda, Mańǵystaý oblystarynda, Jambyl, Qaraǵandy, Aqtóbe, Shyǵys Qazaqstan oblystarynyń keıbir jerlerinde kún qatty ysıdy.
Respýblıkanyń ońtústik, ońtústik-shyǵysynda, batys, shyǵysynyń keıbir jerlerinde tótenshe joǵary órt qaýiptiligi saqtalady.
Respýblıkanyń ońtústigi men shyǵysyndaǵy taýly ózenderde sý deńgeıleriniń aýytqýlary baıqalady.
