Qazaqstannyń kóptegen aýmaǵynda naızaǵaıly jańbyr jaýyp, ekpindi jel soǵady - 9 maýsymǵa arnalǵan aýa raıy boljamy
ASTANA. 8 maýsym. QazAqparat - 9 maýsym kúni Qazaqstannyń kóptegen aýmaǵynda atmosferalyq frontaldyq aǵymdardyń ótýimen naızaǵaıly jańbyr jaýyp, ekpindi jel soǵady,
dep habarlaıdy Qazgıdrometke silteme jasaǵan TJM-niń baspasóz qyzmetinen.
Shyǵys Qazaqstan, Mańǵystaý, Atyraý, Aqtóbe, Ońtústik Qazaqstan, Jambyl, kúndiz Batys Qazaqstan, Qostanaı oblystarynda keıbir jerlerde 15-20 m/s deıin jel kúsheıip, Ońtústik Qazaqstan oblysynda shańdy daýyl bolady.
Atyraý, Aqtóbe, Mańǵystaý, Ońtústik Qazaqstan oblystarynda ystyq aýa raıy saqtalady.
Qyzylorda, Mańǵystaý oblystarynda, Qaraǵandy oblysynyń soltústiginde, Shyǵys Qazaqstan oblysynyń soltústik-batysynda, Batys Qazaqstan jáne Aqtóbe oblystarynyń keıbir jerlerinde tótenshe joǵary órt qaýiptiligi saqtalady.
Jaqyn úsh táýlikte respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary kútiledi.
