Qazaqstannyń kóp jerlerinde erteń aptap ystyq bolýy yqtımal
ASTANA. 16 tamyz. QazAqparat - Almaty, Ońtústik Qazaqstan, Qyzylorda, Atyraý, Aqtóbe, Shyǵys Qazaqstan oblystarynda, Batys Qazaqstan, Mańǵystaý, Qaraǵandy oblystarynyń keı jerlerinde erteń aptap ystyq bolýy yqtımal.
Bul týraly «Qazgıdromet» RMK baspasóz qyzmeti habarlaıdy.
«Qazaqstannyń soltústik bóligi atmosferalyq fronttardyń yqpalynda bolady, keı jerlerde ótkinshi jańbyr, naızaǵaı bolady, jel kúsheıedi. Respýblıkanyń ońtústik bóligi joǵary atmosferalyq qysym aýmaǵynyń yqpalynda bolady, sondyqtan da osy jerlerde aýa raıy ystyq, qurǵaq bolady», dep kórsetilgen habarlamada.
Aqmola, Qostanaı, Pavlodar, Atyraý, Batys Qazaqstan, kúndiz Qaraǵandy, Shyǵys Qazaqstan oblystarynyń keı jerlerinde jel 15-22 m/s deıin kúsheıdi.
Respýblıkanyń ońtústiginde, Atyraý, Aqtóbe, Mańǵystaý, Qaraǵandy, Almaty oblystarynyń keı jerlerinde óte joǵary órt qaýipi saqtalady.
