Qazaqstannyń kóp bóliginde naızaǵaı oınap, jańbyr jaýady
ASTANA. QazAqparat - 26 tamyzda Qazaqstannyń kóp bóliginde naızaǵaı oınap, jańbyr jaýady, jeldiń jyldamdyǵy kúsheıedi. Keı jerlerde tuman bolýy múmkin. Ońtústikte jaýyn-shashyn bolmaıdy, dep habarlady Qazgıdromet.
Pavlodar oblysynda jeldiń jyldamdyǵy 15-20 m/s bolyp, burshaq jaýýy yqtımal.
Aqmola, Qaraǵandy, kúndiz Qostanaı oblystarynda jer-jerlerde jel jyldamdyǵy 15-20 m/s jetedi, túnde jáne tańerteń tuman bolýy múmkin.
Jambyl, kúndiz Almaty, Mańǵystaý, Atyraý, Batys-Qazaqstan oblystarynda keı jerlerde jel jyldamdyǵy 15-20 m/s qurap, shańdy daýyl kútiledi.
Qyzylorda, kúndiz Shyǵys Qazaqstan oblystarynyń keı aýmaqtarynda jel 15-20 m/s deıin kúsheıedi.
Soltústik Qazaqstan oblysynda túnde jáne tańerteń tuman bolady dep boljanýda.
Kúndiz Almaty, Atyraý jáne Mańǵystaý, Aqtóbe, Shyǵys Qazaqstan oblystarynyń keı jerlerinde kún ystyq bolýy yqtımal.
Ońtústikte, batystyń keı jerlerinde, soltústik-batysta, shyǵysta, ońtústik shyǵysta jáne respýblıkanyń ortalyǵynda kún ystyq bolady.
