Qazaqstannyń kóp bóliginde aıazdy kún raıy saqtalýda - 3 aqpanǵa arnalǵan aýa raıy boljamy
ASTANA. 2 aqpan. QazAqparat - Respýblıkanyń kóptegen bóligine 3 aqpandaǵy aýa raıyna aýqymdy antıtsıklon yqpal etýde, tek Qazaqstannyń ońtústik, ońtústik-shyǵysynda jáne shyǵysynda tsıklonnyń áser etýimen birge aýa raıynyń qubylmaly minezi saqtalyp qalýda, dep habarlaıdy QR TJM Qazgıdromet RMK.
Jambyl oblysynda keıbir jerlerde tuman, kóktaıǵaq, jeldiń sekýndyna 18-23 metrge deıin kúsheıýi kútiledi. Ońtústik Qazaqstan oblysynda keıbir jerlerde tuman, kóktaıǵaq, burqasyn, jeldiń sekýndyna 16-21 metrge deıin kúsheıýi bolady dep kútilýde.
Qyzylorda oblysynda keıbir jerlerde tuman, jeldiń sekýndyna 15-20 metrge deıin kúsheıýi kútiledi. Qostanaı, Atyraý, Aqtóbe oblystarynda keıbir jerlerde burqasyn, jeldiń sekýndyna 15-20 metrge deıin kúsheıýi kútiledi.
Shyǵys Qazaqstan oblysynyń keıbir jerlerinde burqasyn, jeldiń sekýndyna 15-20 metrge deıin kúsheıýi kútiledi, jel ekpini sekýndyna 25 metrge deıin jetedi. Almaty oblysynda - keıbir jerlerde tuman, kóktaıǵaq, Jalańashkól aýdanynda jeldiń sekýndyna 18-23 metrge deıin kúsheıýi kútiledi.
Mańǵystaý oblysynda keıbir jerlerde kóktaıǵaq bolady. Soltústik Qazaqstan oblysynda keıbir jerlerde tuman túsedi dep kútilýde.
Qaraǵandy oblysynda túnde qatty, keıbir jerlerde óte qatty aıaz bolady. Soltústik Qazaqstan oblysynda, Aqtóbe, Qostanaı, Aqmola oblystarynyń keıbir jerlerinde túnde qatty aıaz saqtalady. Mańǵystaý, Atyraý, Qyzylorda oblystarynda túnde keıbir jerlerde qatty aıaz saqtalady.
Taıaýdaǵy táýlikterde Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń kóptegen ózenderinde muz qubylystaryna baılanysty sý deńgeıleriniń aýytqýlary baıqalady, jekelegen ózenderde sý deńgeıleriniń kóterilýi múmkin.
