Qazaqstannyń konkıshiler quramasynyń naqty quramy jarııa etildi
ALMATY. 22 qańtar. QazAqparat - Konkıshilerimizdiń bas jattyqtyrýshysy Vadım Saıýtın jetinshi qysqy Azııalyq oıyndarda óner kórsetetin Qazaqstan quramasynyń naqty quramyn málim etti.
Quramaǵa iligý úshin sportshylar jaqynda Astanadaǵy jabyq muz aıdynynda ótken jarystarda joǵary nátıjeler kórsetýleri kerek bolatyn. Sol jarystyń quramasy boıynsha ulttyq komandanyń naqty quramy anyqtaldy.
Qazaqstannyń atynan Azıada oıyndarynda sprınterlik jáne orta qashyqtyqtarda Ekaterına Aıdova, Tatıana Sokırko, Roman Krech, Denıs Kýzın jáne Alekseı Bondarchýk óner kórsetse, staıerlik qashyqtyqtarda Olga Jıgına, Vıktorııa Lýgovaıa, Elena Ýrvantseva, Artem Beloýsov, Maksım Baklashkın, Alekseı Jıgın jáne Dmıtrıı Babenko óner kórsetedi.
Bas jattyqtyrýshynyń aıtýynsha, atalǵan sportshylardyń kez-kelgeni medal jeńip ala alady.
