Qazaqstannyń kómir óndirisi salasynda tarıftik kelisim jasaldy

dep habarlady QR Kásipodaqtar federatsııasynyń baspasóz qyzmetinen.

Kelip túsken aqparatqa sáıkes, jasalǵan kelisim negizinde áleýmettik seriktesterge birqatar mindetter júktelip, birneshe másele qolǵa alyndy.

Mańyzdy tarmaqtarǵa toqtalar bolsaq, birinshiden, jumyskerler uıymdyq kelisim boıynsha qol jetkizgen jalaqy kóleminen qaǵylmaýy qajet, ekinshiden №1 ı №2 tizim boıynsha zeınetkerlikke shyǵatyn tulǵalar úshin zeınetkerlik jas mólsherin tómendetý, úshinshiden «Kenshi dańqy» belgisiniń úsh dárejesimen marapattalǵan jumysshylar zeınetaqysyn 15% -ǵa joǵarylatý.

Kelisimniń arnaıy tarmaǵy aýyr, ári qaýipti jumystarǵa tartylǵan jumysshylar úshin eńbekaqynyń mınımaldy standartyn esepteýdiń salalyq koeffıtsentiniń 1,7 -den 4- ke deıin joǵarylaýyn bekitedi. Birinshi razrıadtyń tarıfteri mınımaldy eńbekaqy kólemin salalyq koeffıtsentke kóbeıtý arqyly esepteledi.

Sonymen qatar jumys berýshilerge kásipodaq komıtetterine mádenı-sporttyq sharalar uıymdastyrý maqsatynda eńbekaqy qorynyń 0,2 %-nan kem túspeıtin mólsherde qarjy bólý júkteledi.

Jumysshylar jalaqysynyń turaqty bóligin ındeksatsııalaý boıynsha taraptar áli kelisimge kelgen joq. Bul taraý boıynsha kelissózder 2011 jyldyń 1 shildesinde qaıta júrgizilmek.