Qazaqstannyń kólik polıtsııasy Joldaýdy talqylady
ASTANA. QazAqparat - Búgin Astana qalasynyń Kóliktegi ІІD-de Prezıdent Nursultan Nazarbaevtyń el halqyna arnaǵan «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy Joldaýyn talqylaý ótti, dep habarlaıdy QazAqparat vedomstvonyń baspasóz qyzmetine silteme jasap.
Astana qalasynyń Kóliktegi ІІD basshysynyń orynbasary, polıtsııa polkovnıgi Rınat Unarbekov Joldaýdyń jáne bılik tarmaqtarynyń quzyryn úlestirý jónindegi reformalarynyń mańyzdylyǵyn erekshe atap ótti.
QR Parlament Májilisiniń depýtaty Turǵyn Syzdyqov bizdiń memlekettiń jańa damý kezeńine bastaý bolatyn tarıhı qujattyń negizgi qaǵıdattaryna toqtaldy.
«Joldaýdyń barlyq bes basymdyǵy bıznes salasyn qamtıdy jáne onyń negizgi máselelerine jaýap beredi. Qazir árbir azamat Qazaqstannyń álemniń 30 ozyq memleketiniń qataryna qosylýyna óz úlesterin qosýlary tıis. Bul úshin bizde joǵary áleýet bar», - dep atap ótti ol.
Májilismen kóliktegi polıtsııa qyzmetkerlerine qaratyp aıtqan sózinde, bizdiń memlekettiń turaqtylyǵy - ekonomıkalyq damý men maqsat-mindetterge qol jetkizýdiń eń basty kepili ekendigin erekshelep ótti. Biz memlekettiń, qoǵamnyń jáne jeke azamattardyń qaýipsizdigin qamtamasyz etetin, tıimdi quqyq qorǵaý júıesin qurdyq.
Sonymen qatar jıyn barysynda jemqorlyqqa qarsy kúres, qoǵamdyq tártipti kúsheıtý, ishki qyzmettik tártip pen zańdylyqty saqtaý máseleleri de sóz boldy.
