Qazaqstannyń kókpardan quramasy elimizdiń óńirlerinde at sportynan ulttyq oıyndarǵa stadıon aýadaı qajet dep sanaıdy
ASTANA. 16 qazan. QazAqparat - Qazaqstannyń óńirlerine kókpar oıyndaryna negizdelgen stadıondar qajet. Bul týraly búgin Astana ótken baspasóz máslıhatynda Qazaqstannyń eńbek sińirgen qaıratkeri, Ulttyq At sporty federatsııasynyń prezıdenti, atbegi Sádibek Túgel málim etti.
«Barlyǵyn zerdeleı kele, biz birneshe stadıon kerek dep oılaımyz. Alǵashqy kezeńde elimizdiń soltústik, shyǵys, ońtústik, batys, ortalyq aımaqtaryna osyndaı nysandar ornastyrylsa degen tilegimiz bar»,-dep atap ótti S. Túgel. Osy oraıda atbegi bul másele boıynsha QR sport jáne dene shynyqtyrý isteri jónindegi agenttik tóraǵasynyń orynbasary Elsııar Qanaǵatovpen keńeskenin tilge tıek etti.
Kókpardan Qazaqstan qurama komandasynyń bas bapkeri Qýanyshbek Quramaevtyń aıtýynsha, Denızlı qalasynda ornalasqan ulttyq sportqa arnalǵan stadıonnyń jobasy boıynsha elimiz de osyndaı nysan qajettilik etedi. «Bizde arnaıy kókpar alańy joq. Bizdiń oıymyzǵa saı kókpardy oınatatyn stadıon Túrkııada jasaqtalǵan eken. ıAǵnı, olardyń ulttyq oıyndaryna negizdelgen stadıondary ulttyq oıynymyz - kókparǵa laıyq keledi», - deıdi bas bapker. Q. Quramaevtyń osy sózin baspasóz máslıhatyna qatysqan quramadaǵy kókparshylar da quptady. Olardyń paıymdaýynsha, ulttyq oıyndardy kórý úshin bundaı stadıondarǵa jurtshylyq kóptep jınalady jáne osyndaı nysandar oıynnyń ózin tamashalaýǵa yńǵaıly.
S. Túgeldiń sózine qaraǵanda, qazannyń 12-14 aralyǵynda Túrkııanyń Denızlı qalasynda ulttyq sporttyń álemdik dodasy ótkizildi. Oǵan 25 memleket qatysqan kórinedi. Bul aýqymdy sporttyq shara aıasynda Qazaqstannyń kókpardan qurama komandasy qatysty. Atap aıtqanda, 12 qazanda elmizdiń kóparshylary Qyrǵyzstannyń komandasyn 10:5 esebimen tize búktirse, 16 qazanda Túrkııanyń kóparshylaryn 7:2 esebimen utty. Jarys qorytyndysy boıynsha Qazaqstan komandasy Túrkııadan jeńispen oraldy.
