Qazaqstannyń kishkentaı tennısshileri Azııa chempıonatynyń fınaldyq kezeńine joldama aldy

ASTANA. QazAqparat – Túrkmenstan astanasy Ashhabad qalasynda 12 jasqa deıingiler arasynda ITF Asia 12&U Team Championships chempıonatynyń Ortalyq Azııa boıynsha irikteý saıystary aıaqtaldy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkendeı, qazaqstandyq uldar men qyzdar teńdessiz óner kórsetti.

Komandalyq saıysta el namysyn myna oıynshylar qorǵady:

Uldar:

Ahmádı Maqanov (Aqtóbe),

Nurdáýlet Balqan (Aqtaý),

Arnur Tursynhan.

Kapıtany – Anton Mıhaılov.

Qyzdar:

ıAsmın Dúısembaeva (Ekibastuz),

Ámına Nurmahan (Almaty),

Nuraı Baıseıit.

Kapıtany – Evgenııa Sýshkova.

Qazaqstandyq qyzdar Ózbekstan, Qyrǵyzstan, Túrkmenstan, Tájikstan quramalarymen tórt kezdesý ótkizip, bárinde de qarsylastaryna birde-bir set bermeı, 3:0 esebimen jeńiske jetti.

Uldar da Ózbekstan, Qyrǵyzstan, Túrkmenstan, Tájikstan jáne Aýǵanstan komandalaryn sondaı eseppen qapy qaldyrdy – 3:0.

Osylaısha, Qazaqstan qyzdar jáne uldar quramasy bıyl kúzde 12 jasqa deıingiler arasynda Almatyda ótetin Azııa komandalyq chempıonatyna joldama aldy.

Eske sala keteıik, budan buryn Novak Djokovıchtiń jetinshi ret Rolan Garros týrnıriniń fınalyna shyqqanyn jazǵan bolatynbyz.

Sondaı-aq Mıhaıl Kýkýshkın AQSh-taǵy jarystyń jartylaı fınalyna ótti.