Qazaqstannyń kıberqaýipsizdigi úshin qandaı qadamdar jasalyp jatyr
«Barlyq memlekettik organdar tsıfrlyq relske kóship jatqan kezde kıberqaýipsizidk jaıly umytýǵa da bolmaıdy. Osy rette kıberqaýipsizdik - aqparattyq qaýipsizdik eń mańyzdy aspektileriniń biri bolyp otyr. Qaýipsizdikti memlekettik organdardyń bárimen birlese otyryp, qamtamasyz etýimiz kerek», - dedi ol «KADEX-2018» V halyqaralyq kórmesi aıasynda ótip jatqan aqparattyq qaýipsizdik máseleleri boıynsha konferentsııada.
Asqar Jumaǵalıevtiń aıtýynsha, «Tsıfrlyq Qazaqstan» baǵdarlamasy elimizde belsendi túrde júzege asyrylyp jatyr. Sonymen qatar, ekonomıkany tsıfrlyq júıege engizý jolynda kıberqaýipsizdik máselesin shetke ysyryp qoıýǵa bolmaıdy.
«Osyǵan baılanysty «Kıberqalqan» atty tıisti tujyrymdama bekitildi. Birqatar sharalar legi iske asyrylýda. Eń birinshi kezekte, men tıisti organnyń - «Aqparattyq qaýipsizdik boıynsha komıtettiń» qurylǵanyn atap ótkim keledi. Sonymen qatar, aqparattyq qaýipsizdikti qamtamasyz etýde Ulttyq úılestirý ortalyǵy qurylyp, oǵan da birshama mindetter júktelýde. Sondaı-aq, aqparattyq qaýipsizdikti qamtamasyz etý úshin bizge aqyldy adamdar, mamandar kerek. Osyǵan oraı, biz bastamaly túrde bastaýysh synyptarda bizdiń balalarǵa ІT-baǵdarlamalaý daǵdylaryn, robottyq tehnıkany meńgerýin jolǵa qoıdyq», - deıdi ol.
Sonymen qatar, onyń aıtýynsha JOO-larda baǵdarlama túbirimen ózgertilgen. JOO-larda aqparattyq qaýipsizdik boıynsha alty birdeı laboratorııa, sonymen qatar mınıstrlikke qaraıtyn taǵy 3 laborotorııa qurylǵan.
Eske sala ketsek, keshe Astanada Elbasy Nursultan Nazarbaevtyń qatysýymen «KADEX-2018» V halyqaralyq kórmesi ashylǵan bolatyn. Kórme 26 mamyrǵa deıin jalǵasady.