Qazaqstannyń kıberqalqany 2,5 mlrd shabýylǵa toıtarys berdi
«2019 jyly elimizdiń búkil ınfraqurylymyna shamamen 2,5 mlrd shabýyl jasaldy. Elimizde elektrondy shekara bar. Ol kıberqalqannyń bir elementi. Ózderińizde bilesizder, 2018 jyly Aqparattyq qaýipsizdik boıynsha ulttyq úılestirý ortalyǵy quryldy. Ádettegideı negizgi soqqyny sol qabyldap otyr. Osynaý úlken qalqan 2,5 mlrd shabýylǵa toıtarys berdi. Bul san jyldan-jylǵa geometrııalyq progressııamen artyp keledi. Biz munymen aınalysa bastaǵan kezdegi shabýyldan 100 myńdap sanalatyn. Sol kezde bul óte kóp kóringen edi», - dedi ol Trend Micro Incorporated pen T&T Security kompanııalary arasynda kelisimge qol qoıý rásiminde.
Onyń atap ótýinshe, qazirgi ýaqytta Qazaqstan úshin 2,5 mlrd kıbershabýyl qorqynyshty emes.
«Birinshiden, bul jalpyálemdik trend. Ekinshi, sátti júzege asyrylǵan shabýyl joq. Qorǵanys munan da kóp shabýylǵa toıtarys bere alady. Elektrondy Úkimettiń ınfraqurylymyna 2,7 mln shabýyl jasaldy. Bul úlken qalǵan arqyly ótip ketken shabýyldar. Máselen, seniń úlken aýyń bolsa, onda úlken balyq ustaısyń. Qalaı bolǵanda da aýdyń torlarynan kishkentaı balyqtar shyǵyp ketedi. Bular da kishkentaı maqsatty shabýyldar boldy. Olar ótip ketkenimen ekinshi deńgeıde toıtaryldy. Ótken jyly Ulttyq aqparattyq tehnologııalar ortalyǵynyń bazasynda Jedel aqparatyq qaýipsizdik ortalyǵy quryldy. Dál osy ortalyq elektrondy Úkimetke baǵyttalǵan 2,7 mln shabýyldy toıtardy. Degenmen, úlken qalqan bolmaǵanda kishkentaı shabýyldarmen ne bolatyndyǵy belgisiz», - dedi ol.