Qazaqstannyń QHR-men jeti aıdaǵy taýar aınalymy 13,5 mlrd AQSh dollaryn qurady

NUR-SULTAN. QazAqparat - Memlekettik kirister komıteti 2022 jyldyń 7 aıynda Qazaqstan Respýblıkasynyń Qytaı Halyq Respýblıkasymen ózara saýda aınalymy jaıly derekter usyndy, dep habarlaıdy QazAqparat.

2022 jyldyń 7 aıynda Qytaı Qazaqstan Respýblıkasymen saýdada 1-orynda ( EAEO-ǵa múshe memleketterdi esepke almaǵanda ). Syrtqy taýar aınalymyndaǵy Qytaıdyń úlesi 22,6 %- dy quraıdy.

Taýar aınalymynyń kólemi 13,5 mlrd AQSh dollaryn qurady, bul 2021 jyldyń sáıkes kezeńimen salystyrǵanda 38,3 % - ǵa artyq, ótken jyly ol 9,7 mlrd. AQSh dollaryn quraǵan.

Taýar aınalymynyń kólemi taýarlar eksportynyń 52 % -ǵa ósýi esebinen ulǵaıdy.

Qazaqstannyń Qytaıǵa eksporty osy jyldyń 7 aıynda 8 mlrd. AQSh dollaryn qurady, 2021 jylǵy sáıkes kezeńge qaraǵanda 52 % -ǵa ósti. Mysaly, ótken jyldyń 7 aıynda eksport 5,3 mlrd AQSh dollaryn quraǵan.

Eksporttyń negizgi ósýi mıneraldyq ónimderdiń 84,2 %-ǵa ulǵaıýy esebinen baıqalady (2022 jyldyń 7 aıynda – 5,1 mlrd. AQSh dollary, 2021 jylǵy 7 aıynda – 2,8 mlrd. AQSh dollary), sonyń ishinde otyn-energetıkalyq taýarlar eksporty 2,2 esege artty (2022 jyldyń 7 aıynda – 3,2 mlrd. AQSh dollary, 2021 jylǵy 7 aıynda – 1,5 mlrd. AQSh dollary).

Qazaqstannyń Qytaıdan ımporty 5,5 mlrd. AQSh dollaryn qurady, 2021 jylǵy sáıkes kezeńmen salystyrǵanda 22,6 %-ǵa ósti. Ótken jyldyń 7 aıynda ımport 4,5 mlrd. AQSh dollar qurady.

Importtyń negizgi ósýi kelesi taýar toptary boıynsha baıqalady:

- mashınalar, jabdyqtar, kólik quraldary, aspaptar men apparattar 19,4%-ǵa (2022 jyldyń 7 aıynda – 3,1 mlrd. AQSh dollary, 2021 jylǵy 7 aıynda – 2,6 mlrd. AQSh dollary);

- hımııa ónerkásibiniń ónimi 64,7 % -ǵa (2022 jyldyń 7 aıynda – 821,1 mln. AQSh dollary, 2021 jylǵy 7 aıynda – 498,4 mln. AQSh dollary);

- metaldar jáne olardan jasalǵan buıymdar 53 % -ǵa (2022 jyldyń 7 aıynda – 501,4 mln. AQSh dollary, 2021 jylǵy 7 aıynda – 327,8 mln. AQSh dollary).