Qazaqstannyń kez-kelgen azamaty ınternet arqyly elimizdiń kez-kelgen statsıonaryndaǵy bos tósek-oryndar týraly málimet ala alady
ASTANA. 24 qarasha. QazAqparat - «Qazaqstannyń kez-kelgen azamaty Internet arqyly respýblıkanyń kez-kelgen statsıonaryndaǵy (aýrýhanalaryndaǵy) bos tósek-oryndar týraly málimet alyp, josparly túrde aýrýhanaǵa jatatyn kúnin anyqtaı alady»,-dep habarlaıdy Densaýlyq saqtaý mınıstrliginiń baspasóz qyzmeti.
Baspasóz málimetterine qaraǵanda, bul qyzmet túrin osy kúnge deıin 800 myńǵa jýyq qazaqstandyq paıdalanǵan. Densaýlyq saqtaý mınıstrligi el azamattaryna arnalǵan bul qyzmetti 2010 jyldyń shilde aıynan bastap www.bg.eisz.kz . portalynda engizdi. Biryńǵaı ulttyq densaýlyq saqtaý júıesiniń bir bóligi bolyp tabylatyn «gospıtalge jatqyzý bıýrosy» portaly patsıentterge josparly emdelý kezinde medıtsınalyq uıymdy erkin tańdaý quqyǵyn júzege asyryp, kórsetiletin medıtsınalyq qyzmetterdiń qoljetimdiligin qamtamasyz etedi. Gospıtalge jatqyzýdyń sharty - josparly statsıonarlyq emdeýge tıisti kórsetilimder bolýy tıis.
