Qazaqstannyń keıbir zańnamalyq aktilerine ekologııalyq máseleler boıynsha, ózgerister men tolyqtyrýlar engizýge qatysty qujat jalpy otyrysta talqylanady - Senat
ASTANA. 20 qyrkúıek. QazAqparat /Aıdar Ospanalıev/ - Búgin Parlament Senatynyń Agrarlyq máseleler jáne qorshaǵan ortany qorǵaý komıtetiniń keńeıtilgen otyrysynda depýtattar «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha, ózgerister men tolyqtyrýlar engizý týraly» zań jobasyn talqylady.
Otyrysta atalmysh qujatqa baılanysty baıandama jasaǵan Qorshaǵan ortany qorǵaý mınıstri Nurǵalı Áshimovtyń aıtýynsha, zań jobasy qorshaǵan ortaǵa emıssııalardy tómendetý boıynsha ınvestıtsııalar tartý, ekologııalyq problemalardy sheshý, tabıǵat paıdalanýshylardyń jaýapkershlikterin kúsheıtýdi qarastyrady. Sonymen qatar qujat qaldyqtardyń jınaqtalý kólemin azaıtý, naryqtyq tetikterdi engizý jolymen parnıktik gazdardyń shyǵaryndylaryn tómendetý, ekologııalyq quqyqbuzýshylyqtar úshin ákimshilik jáne qylmystyq jaýapkershilikti kúsheıtý bolyp tabylady. Zań kúshine enetin bolsa, Qylmystyq, Ákimshilik quqyq buzýshylyqtar, Ekologııalyq, Salyq jáne Halyq densaýlyǵy jáne densaýlyq saqtaý júıesi týraly kodekske sondaı -aq birqatar basqa da zańdarǵa ózgerister engiziletin bolady. Zań jobasyn otyrysta jan-jaqty talqylaǵan depýtattar ony Senattyń jalpy otyrysyna engizý qajet dep sheshti.
