Qazaqstannyń keıbir aımaqtarynda aýa raıynyń sýytýy saqtalady - 31 mamyrdaǵy aýa raıy boljamy
ASTANA. QazAqparat - Qazaqstannyń ońtústik jáne shyǵys jaq jartysy atmosferalyq aǵyndar yqpalynda bolyp, ornyqsyz aýa raıy kútiledi, naızaǵaı oınap, jel kúsheıedi, ońtústik-shyǵysta burshaq jaýýy múmkin, qalǵan aýmaqta kún ashyq bolady, dep habarlady QR TJM baspasóz qyzmeti «Qazgıdrometke» silteme jasap.
Jambyl, Ońtústik Qazaqstan, túnde Almaty, Qaraǵandy, kúndiz Atyraý oblystarynda keı jerlerde jeldiń ekpini 15-22 m/s-qa jetedi. Qyzylorda oblysynda keı jerlerde jeldiń kúshi 17-22 m/s-qa jetip, shańdy daýyl kóteriledi. Shyǵys Qazaqstan oblysynda keı jerderde 15-20 m/s-qa deıin jel turyp, túnde jáne tańerteń - tuman túsedi. Mańǵystaý oblysynda keı jerlerde 15-20 m/s-qa deıin kúshti jel soǵady, tuman túsedi. Qostanaı oblysynda túnde keı jerlerde tuman kútiledi, kúndiz jeldiń kúshi 18 m/s-qa deıin jetedi.
Túnde Pavlodar oblysynda, Aqmola, Qostanaı, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde aýa raıynyń 0-5 gradýsqa deıin sýytýy saqtalady.
Respýblıkanyń batysynda, ońtústiginde, ońtústik-shyǵysynda jáne ortalyǵynda óte joǵary órt qaýpi saqtalady.
Taıaýdaǵy úsh táýliktiń ishide Shyǵys Qazaqstannyń taýly ózenderinde sý deńgeıiniń kóterilýi jalǵasady, sonyń saldarynan ózender arnasynan asyp, sý basý qaýpi týyndaýy múmkin. Respýblıkanyń ońtústik jáne ońtústik-shyǵysyndaǵy taýly ózenderde sý betiniń qubylýy baıqalady. 31 mamyrda Almaty oblysynyń keıbir taý ózenderinde nóser jańbyrdyń saldarynan sý tasqyny qalyptasýy múmkin.
