Qazaqstannyń keı jerlerinde jel kúsheıip, ońtústikte shańdy daýyl boraıdy - 2 tamyzdaǵy aýa raıy boljamy
ASTANA. QazAqparat - Qazaqstan aýmaǵynyń basym bóliginde kún raıy ashyq bolady, respýblıkaynyń soltústik, soltústik-shyǵys jáne shyǵys bóliginde ǵana atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde kún kúrkirep, jaýyn jaýady.
Qazaqstannyń keı jerlerinde jel kúsheıip, ońtústikte shańdy daýyl boraıdy, soltústiginde tuman túsedi. Bul týraly QR TJM baspasóz qyzmeti «Qazgıdrometke» silteme jasap habarlady.
Jambyl, kúndiz Ońtústik Qazaqstan jáne Qyzylorda oblystarynyń keı jerlerinde jeldiń kúshi 15-20 m/s-qa deıin kúsheıip, shańdy daýyl boraıdy. Qaraǵandy, Shyǵys Qazaqstan oblystarynda keı jerlerde jeldiń ekpini 15-20 m/s-qa jetip, Shyǵys Qazaqstan oblysynda burshaq jaýýy múmkin. Soltústik Qazaqstan, Qostanaı, oblystarynda keı jerlerde tuman túsýi kútiledi. Kúndiz Atyraý oblysynda, Qaraǵandy oblysynyń keı jerlerinde aptap ystyq bolady. Respýblıkanyń ońtústiginde, ońtústik-shyǵysynyń basym bóliginde jáne batysynda, soltústik-batysynyń keı jerlerinde jáne ortalyǵynda óte joǵary órt qaýpi saqtalady.
Taıaýdaǵy úsh táýlikte respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıiniń qubylýy baıqalady.
