Qazaqstannyń keı jerlerinde úsik júredi - sársenbige arnalǵan aýa raıy boljamy
ASTANA. QazAqparat - «Qazgıdromet» RMK 30 mamyrǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndarynyń ótýine baılanysty Qazaqstannyń basym bóliginde jańbyr, naızaǵaı, daýyl bolyp, jeldiń kúsheıýi, shańdy daýyl, tuman, burshaq jaýýy múmkin. Tek batysta jáne ońtústik-batysta jaýyn-shashynsyz aýa raıy kútiledi.
Qaraǵandy, Soltúsik Qazaqstan, Aqmola, Shyǵys Qazaqstan, Ońtústik Qazaqstan, Pavlodar oblystarynyń túnde keı jerlerinde, kúndiz basym bóliginde jeldiń jyldamdyǵy 15-20, keı jerlerde 23-28 m/s kúsheıedi.
Qaraǵandy, Shyǵys Qazaqstan oblystarynda kúndiz keı jerlerde ekpini 30 m/s jáne odan joǵary, Qaraǵandy, Shyǵys Qazaqstan, Ońtústik Qazaqstan, Aqmola oblystarynda keı jerlerde daýyl, burshaq jaýýy múmkin.
Jambyl oblysynyń keı jerlerinde jel 15-20, ekpini 23-28, oblystyń ońtústik-batysynda 30 m/s jáne odan da asa kútiledi.
Qyzylorda oblysynda jeldiń jyldamdyǵy 15-20, keı jerlerde 23-28 m/s, ekpini 30 m/s kútiledi, daýyl, shańdy daýyl kútiledi.
Aqtóbe, kúndiz Batys Qazaqstan oblystarynyń keı jerlerinde jel 15-20 m/s bolady, Qostanaı oblysynyń keı jerlerde daýyl bolyp, burshaq jaýýy múmkin.
Almaty oblysynyń keı jerlerinde jeldiń jyldamdyǵy 18-23, ekpini 28 m/s kúsheıýi kútiledi. Mańǵystaý oblysynda túnde jáne tańerteń tuman kútiledi. Qostanaı oblysynyń keı jerlerinde jel 15-20 m/s jetedi, sondaı-aq daýyl, burshaq jaýýy múmkin.
Qostanaı, Soltústik Qazaqstan oblystarynyń keı jerlerinde 3 gradýska deıin úsik kútiledi. Mańǵystaý oblysynyń keı jerlerinde óte joǵary órt qaýipi kútiledi.
