Qazaqstannyń Keden odaǵy elderimen saýdasy 7 paıyzdaı artqan
ASTANA. 14 aqpan. QazAqparat - Ótken jyly Qazaqstan Respýblıkasynyń Keden odaǵy elderimen ózara saýdasy 24 mlrd. 625,5 mln. AQSh dollaryn qurady. Bul týraly búgingi Statıstıka agenttiginiń brıfınginde málim etildi.
Onyń aıtýynsha, bul kórsetkish 2011 jylǵy qańtar-jeltoqsanmen salystyrǵanda 6,9%-ǵa ósken.
Atap aıtar bolsaq, Qazaqstan Respýblıkasy eksportynyń kópshiligin mıneraldy ónimder (Keden odaǵy elderiniń barlyq eksportynyń 38,9%-y), metaldar jáne olardan jasalǵan buıymdar (30,9%), hımııalyq ónerkásip ónimderi (14,6%) qurady.
Reseı Federatsııasynan jáne Belarýs Respýblıkasynan úlken dárejede mıneraldy ónimderi (Keden odaǵy elderi ımportynyń 27,0%-y), mashınalar jáne jabdyqtar (27,0%), metaldar jáne olardan jasalǵan buıymdar (13,0%), hımııalyq ónerkásip ónimderi (11,3%) ákelindi.
