Qazaqstannyń Keden odaǵy elderimen ózara saýdasy 20 mln. dollarǵa jýyqtaǵan

ASTANA. QazAqparat - 2014 jylǵy qańtar-jeltoqsanda Qazaqstan Respýblıkasynyń Keden odaǵy elderimen ózara saýdasy - 19 665,2 mln. AQSh dollaryn qurady. Sonyń ishinde eksport - 5 207,3 mln. dollardy, al ımport - 14 457,9 mln. dollardy qurap otyr.

Ulttyq ekonomıka mınıstrligi Statıstıka komıtetiniń habarlaýynsha, atalǵan kórsetkish 2013 jylǵy qańtar-jeltoqsanmen salystyrǵanda 20,1 paıyzǵa az. «Sonymen qatar, Qazaqstan Respýblıkasynyń eksporty qurylymynda kópshiligin mıneraldy ónimder (47,3% Keden odaǵy elderiniń barlyq eksportynyń kólemine), metaldar jáne olardan jasalǵan buıymdar (23,4%), hımııalyq ónerkásip ónimderi (12,9%), mal jáne ósimdikter ónimderi, daıyn azyq-túlik taýarlary (5,4%) qurady. Al Reseı Federatsııasynan jáne Belarýs Respýblıkasynan úlken dárejede mashınalar jáne jabdyqtar ákelindi, bul jalpy Keden odaǵy elderiniń ımporty jalpy kólemine 32,1 paıyzdy quraıdy», - delingen baspasóz baıanynda.

Budan bólek, ımport aýqymynda elimizge mıneraldy ónimderi (15,0%), hımııalyq ónerkásip ónimderi (13,3%), metaldar jáne olardan jasalǵan buıymdar (13,0%), mal jáne ósimdikter ónimderi, daıyn azyq-túlik taýarlary (12,1%) ákelingen.