«Qazaqstannyń qazirgi zamanǵy mamandaryn daıarlaýdyń etnopsıhologııalyq jáne tehnologııalyq negizderi» - Almatydaǵy halyqaralyq ǵylymı-tájirıbelik konferentsııa
ALMATY. 20 qazan, QAZAqparat - Qazirgi zamanǵy mamandardyń biliktiligin jetildirý máseleleri táýelsiz paıymdaryn jasaýda ulttyń dilin, etnopsıhologııa, pedagogıka negizderin, olardyń bilimi men oılaý qabiletteriniń týyndaýy men ózgerýin eskere otyryp,
jeke ózindik kózqarasynyń qalyptasýy «Qazaqstannyń qazirgi zamanǵy mamandaryn daıarlaýdyń etnopsıhologııalyq jáne tehnologııalyq negizderi» atty halyqaralyq ǵylymı-tájirıbelik konferentsııada talqylanady. Konferentsııa 19-20 qazanda Almatydaǵy Ortalyq Azııa ýnıversıtetinde ótedi jáne oqý ornynyń 15 jyldyǵyna arnalǵan.
Ortalyq Azııa ýnıversıtetinde Qazaqstanda suranysqa ıe ınjenerlik-tehnıkalyq jáne gýmanıtarlyq mamandyqtardyń 49-y boıynsha bakalavrlardy, magıstrlerdi jáne Phd doktorlardy daıarlaý júzege asyrylýda. Joǵarǵy oqý ornynyń túlekteri el ekonomıkasynyń barlyq salalarynda qyzmet etýde.
Konferentsııaǵa otandyq jáne sheteldik joǵarǵy oqý oryndarynyń jetekshi ǵalymdary, Qazaqstan Respýblıkasy Parlamentiniń depýtattary, óndiristik kásiporyndardyń basshylary, qoǵam qaıratkerleri jáne basqa da múddeli tulǵalar qatysady.
