Qazaqstannyń qaı óńirlerinde sý tasqyny qaýpi bar
ASTANA. QazAqparat - Tótenshe jaǵdaılar komıtetiniń tóraǵasy, general-maıor Vladımır Bekker respýblıka óńirlerindegi sý tasqyny qaýpi týraly baıandady, dep habarlaıdy QazAqparat tilshisi.
«Aldyn ala boljamdarǵa sáıkes, Qaraǵandy, Aqmola, Pavlodar, Qostanaı jáne Soltústik Qazaqstan oblystaryndaǵy ózender arnasynan tasýy múmkin. «Qazgıdromet» RMM boljaýynsha, atalǵan óńirlerde 8-11 sáýir aralyǵynda jaýyn-shashyn normadan tys jaýady dep kútilýde. Bul da jaǵdaıdy qıyndata túsedi», - dedi V. Bekker QR ІІM Tótenshe jaǵdaılar komıtetinde ótken eldegi sý tasqyny jaǵdaıy týraly brıfıngte.
Komıtet tóraǵasy qaýiptiń aldyn alý úshin qutqarýshylardyń qajetti sharalardy júrgizgenin atap ótti.
«Kórsetilgen oblystyń ákimdikteri ótken jyly sý tasqynynyń aldyn alý men saldaryn joıý boıynsha respýblıkalyq jol karasy aıasynda 43 shara júrgizgen edi. Qaraǵandy oblysynyń Buqar jyraý, Shet, Nura, Qarqaraly aýdandarynda jergilikti bıýdjet esebinen jalpy uzyndyǵy 55 shaqyrym bolatyn bógetter men úıindi topyraqtar turǵyzyldy. Bul arqyly jyl saıyn sý basatyn 12 eldimekendegi qaýip seıildi», - dedi ol.
Aıta keteıik, respýblıkadaǵy qutqarýshylardy qosymsha qural-jabdyqtarmen jasaqtaý úshin Úkimet rezervinen 4,3 mlrd teńge kóleminde qarajat bólý máselesi qarastyrylyp jatyr.
Foto: floowers.ru
