Qazaqstannyń qaı óńirlerinde qar kóshkini qaýpi bar

NUR-SULTAN. QazAqparat - Kóshkin ahýalyna monıtorıngti «Qazseldenqorǵaýdyń» 62 beketi, 24 qar ólsheý marshrýty jáne 29 dıspetcherlik beketi jasaıdy, dep habarlaıdy QazAqparat.

Tótenshe jaǵdaılar mınıstrliginiń málimetinshe, qar kóshkininiń túsýine der kezinde áreket etý úshin «Qazseldenqorǵaý» bólimsheleri kúsheıtilgen jumys rejımine aýysqan.

Barlyq fılıaldarda, óndiristik-paıdalaný ýchaskelerinde basshylyq pen bas mamandar qatarynan jaýapty qyzmetkerlerdiń kezekshiligi jalǵasyp jatyr.

Qazseldenqorǵaý aýmaqtyq basqarmalarynyń jalpy sany 115 adam men 64 tehnıkanyń 12 avarııalyq brıgadasy den qoıýǵa daıyn.

Búgingi tańda jalpy kólemi 145 695 m³ quraıtyn qar kóshkini 101 márte májbúrlep túsirildi.

Sonyn ishinde Almaty qalasynda – 14 (kólemi 80 800 m³), Almaty oblysynda – 18 (kólemi 95 m³), Shyǵys Qazaqstan oblysynda – 69 (kólemi 64 800 m³).

Kóshkin qaýipti kezeńniń basynan kólemi 182 625 m³ 95 qar kóshkini óz betinshe túsken.

Sonyń ishinde 79 - Almaty qalasynda , 10 - Shyǵys Qazaqstan oblysynda jáne 6 - Almaty oblysynda.