Qazaqstannyń qaı óńirinde sý resýrstaryna tapshylyq bar

NUR-SULTAN. QazAqparat – Ekologııa, geologııa jáne tabıǵı resýrstar mınıstrligi Sý resýrstar komıtetiniń tóraǵa orynbasary Dosbol Bekmaǵambetov óńirlerdegi sý resýrstarynyń jaı-kúıin baıandady, dep habarlaıdy QazAqparat tilshisi.

«Sý resýrstaryna qatysty jaǵdaı óńirler boıynsha ár túrli. Eldiń shyǵys óńiri sý resýrstarymen anaǵurlym kóbirek qamtamasyz etilse, ortalyq Qazaqstan (Nura-Sarysý basseıni) eń az qamtylǵan. Ońtústik jáne Batys óńirler shekaralas elderge táýeldi bolyp otyr. Sondyqtan boljanyp otyrǵan sý tapshylyǵy osy óńirlerge kóbirek áser etedi», - dedi D. Bekmaǵambetov Ortalyq kommýnıkatsııalar qyzmetinde ótken baspasóz máslıhatynda.

Buǵan deıin Dosbol Bekmaǵambetov Qazaqstanda 2030 jylǵa qaraı sý resýrstarynyń tapshylyǵy 23,2 tekshe kılometrge jetýi múmkin ekenin aıtqan edi.

2000 jyldary ortasha kópjyldyq ózen aǵysy 120 tekshe kılometr bolsa, qazirgi ýaqytta ol shamamen 102 tekshe kılometrdi quraıdy. Bul klımattyń ózgerýine jáne antropogendik faktorlarǵa baılanysty. 2030 jylǵa qaraı ózen aǵyny odan ári 99,4 tekshe kılometrge deıin qysqarýy boljanyp otyr.