Qazaqstannyń qaı óńirinde baspana kóptep salynyp jatyr
Bul týraly búgin Qurylys jáne turǵyn úı-kommýnaldyq sharýashylyq isteri komıtetiniń tóraǵasynyń orynbasary Beıbit Shahanov QR Parlamentiniń Májilisinde «Nur Otan» fraktsııasy janynan qurylǵan komıssııa otyrysynda málim etti.
«Respýblıkalyq bıýdjetten Aqtóbe, Shyǵys Qazaqstan, Jambyl, Qostanaı, Qyzylorda jáne Soltústik Qazaqstan oblystaryndaǵy jobalardy (baspana qurylysy boıynsha) ortaq qarjylandyrýǵa 14,2 mlrd teńge bóldi. Turǵyn úı ınfraqurylymyn nyǵaıtý jáne baspana qurylysyn yntalandyrý saıasaty aıasynda Ulttyq qordan 539 mlrd teńge bólindi. Qazirgi ýaqytta onyń 460 mlrd teńgesi nemese 85 paıyzy ıgerildi», - dedi Beıbit Shahanov.
Sondaı-aq, ol 2015-2016 jyldary memlekettik baǵdarlama aıasynda 42 myń páterdiń qurylysy bastalǵanyn atap ótti. Onyń 17,9 myń páteri paıdalanýǵa berildi.
«Nurly jer» baǵdarlamasy aıasynda bıyl nesıelik jáne jaldamalyq 16 myń páterdiń qurylysy jalǵasty. 2018 jyly 8 600 páterdiń qurylysy aıaqtalady. Jalpy alǵanda, bıylǵy 10 aıdyń qorytyndysy boıynsha, memlekettik ınvestıtsııa esebinen shamamen 13 myń páter turǵyzyldy. Jyl sońynda deıin taǵy 9,5 myń páter paıdalanýǵa beriledi. Eń kóp páter Almaty qalasynda turǵyzylsa, eń az kórsetkish Qaraǵandy oblysynda tirkelgen», - dep óz sózin túıindedi Beıbit Shahanov.
