Qazaqstannyń qaı qalalarynda aýa sapasy nasharlaıdy
ASTANA. QazAqparat - Beısenbi, 8 qarasha kúni meteorologııalyq jaǵdaılar elimizdiń eki qalasynyń atmosferasynda lastaýshy zattardyń shoǵyrlanýyna yqpal etedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, meteorologııalyq jaǵdaılar Aqtaý jáne Atyraý qalasynda aýaǵa zııandy zattar shoǵyrlanýyna yqpal etedi. Al qalǵan qalalarda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
