Qazaqstannyń kásipodaqtary men eńbekkerleri Nursultan Nazarbaevty qoldaıdy!
ASTANA. 8 aqpan. QazAqparat - QR Kásipodaqtar federatsııasynyń atqarýshy komıteti respýblıkanyń kásipodaqtary ótken prezıdenttik saılaýlarda árdaıym N.Á.Nazarbaevqa daýys bergendigi aıtylǵan qaýly qabyldady.
Kásipodaqtar federatsııasy «Qazaqstan-2020» Jalpyulttyq demokratııalyq kúshter odaǵynyń múshesi bolyp tabylady, dep habarlaıdy Kásipodaqtar federatsııasynyń baspasóz qyzmeti.
Memleket basshysynyń respýblıkada júrgizip otyrǵan áleýmettik-ekonomıkalyq reformalary men saıası qaıta qalyptastyrýlaryna qoldaý bildirý jónindegi Qazaqstan Respýblıkasy Kásipodaqtary federatsııasynyń XXII sezindegi sheshimine oraı atqarýshy komıtet Kásipodaqtar federatsııasynyń, barlyq múshe uıymdar men barlyq deńgeıdegi kásipodaqtyq uıymdardyń basty mindetteriniń biri - 2011 jyldyń 3 sáýiri kúni ótetin Qazaqstan Respýblıkasy Prezıdentiniń kezekten tys saılaýyna belsendi atsalysý dep sanaıdy.
Astana qalasynda 2011 jyldyń 17 naýryzy kúni Qazaqstan eńbekkerleriniń N.Nazarbaevtyń Qazaqstan Respýblıkasy Prezıdenti úmitkerligine usynylýyn qoldaıtyn «Qazaqstannyń kásipodaqtary men eńbekkerleri N.Nazarbaevty qoldaıdy!» degen ataýmen forým ótkizedi.
