Qazaqstannyń kásipker áıelder odaǵy kezekten tys Prezıdent saılaýyn ótkizý týraly bastamany qoldady
ASTANA. QazAqparat - Qazaqstannyń kásipker áıelder odaǵy kezekten tys Prezıdent saılaýyn ótkizý týraly bastamany qoldaýǵa shaqyrady.
Odaq keńsesinde ótken brıfıngte «Qazaqstannyń kásipker áıelder odaǵy» Qoǵamdyq birlestik tóraıymy, Qazaqstan Respýblıkasy Parlamenti Májilisiniń depýtaty Merýert Qazbekova Qazaqstan halqy Assambleıasy Keńesiniń 2015 jyly Prezıdent saılaýyn ótkizý týraly Úndeýdi jarııa etti.
«14 aqpanda Qazaqstan halqy Assambleıasynyń Keńesi 2015 jyly Qazaqstan Respýblıkasy Prezıdentiniń saılaýyn ótkizý týraly bastama kóterdi. Qazaqstannyń kásipker áıelder odaǵy bul bastamany tolyǵymen qoldaıdy», - delingen úndeýde. «Memleket basshysy árqashan áıelder kásipkerligin damytýdyń mańyzdylyǵyn aıtyp, áıelderdiń ekonomıkalyq jáne qoǵamdyq-saıası ómirge qatysýyn qoldap otyrady. Búginde elimizdegi shaǵyn jáne orta bıznestiń 70 paıyzynda áıel kásipkerler. Qazaqstan áıelderi iskerlik kásibı belsendiligin tanytatyn kóp salany ıgergen.
Elbasy «Nurly jol - bolashaqqa bastar jol» atty Joldaýynda shaǵyn jáne orta kásipkerlikti, sondaı-aq iskerlik belsendikti qoldaý jumystaryn jalǵastyrý qajettiligin atap ótken bolatyn. Bul oraıda kásipkerlikti damytýǵa bar jaǵdaı jasalýda», dep habarlady odaq músheleri.
Qazaqstannyń kásipker áıelder odaǵy Jańa Ekonomıkalyq saıasat josparynda kórsetilgen tapsyrmalardy júzege asyrýǵa belsene atsalysýda.
«Biz Memleket basshysynyń basqarýymen Qazaqstan qıyndyqtardy jeńip, «Nurly jol» baǵdarlamasynda qoıylǵan maqsattarǵa jetetinimizge zor senim bildiremiz. Qazaqstannyń kásipker áıelder odaǵy 2015 jyly QR Prezıdentiniń saılaýyn ótkizý týraly bastamany qoldaýǵa jáne osy bastamaǵa qosylýǵa shaqyrady», delingen úndeýde.
