Qazaqstannyń qarjy uıymdaryna 76 mln teńge aıyppul salyndy
ALMATY. QazAqparat - QR Qarjy naryǵyn retteý jáne damytý agenttigi qarjy uıymdarynda monıtorıng júrgizdi, dep habarlaıdy QazAqparat tilshisi.
Bıylǵy 9 aıda ekinshi deńgeıdegi bankterge, bank operatsııalarynyń jekelegen túrlerin júzege asyratyn uıymdarǵa, saqtandyrý (qaıta saqtandyrý) uıymdaryna, kollektorlyq agenttikterge jáne mıkroqarjylyq qyzmetti júzege asyratyn uıymdarǵa qatysty shamamen 253 eskertý, jazbasha uıǵarym jáne jalpy somasy 76,1 mln teńgege 163 ákimshilik jaza qoldanyldy.
Júrgizilgen taldaý nátıjeleri boıynsha: bankter kóbine banktik qaryzdarǵa qyzmet kórsetpegen, tólemder jáne aqsha aýdarymdaryna, klıentterdiń shottaryna tıisti qyzmet kórsetpegen, banktik qyzmetter týraly jarnamada bank lıtsenzııasynyń nómiri men lıtsenzııa bergen organ ataýy bolmaǵan.
2020 jylǵy toǵyz aıda bankterge qatysty ákimshilik jazalaýdyń jalpy somasy 36,7 mln teńge boldy.
Saqtandyrý (qaıta saqtandyrý) uıymdaryna 919,1 myń teńge aıyppul salynǵan.
Mıkroqarjylyq uıymdar 37,9 mln teńge aıyppul tóleıtin boldy.
Al kollektorlyq agenttikterge 530,2 myń teńge aıyppul jazyldy.
