Qazaqstannyń qarjy sektory bolashaqta barynsha ornyqty damıdy
ALMATY. Qazannyń 28-i. QazAqparat /Erlik Erjanuly/ - Qazaqstan qarjy sektorynyń damý aldaǵy ýaqytta 2007 jylǵa deıingi joǵary qarqynda bolmaıdy.
Bul jaıly Halyqaralyq valıýta qorynyń Taıaý Shyǵys pen Ortalyq Azııa elderi boıynsha departamenti dırektorynyń orynbasary Devıd Oýen búgin Almatyda ótken baspasóz máslıhatynda aıtty.
"Qazaqstannyń qarjy sektory 2007 jylǵa deıin shynynda da óte jyldam ósti. Bul negizinen syrtqy zaem arqyly qarjylandyrýdyń esebinen júzege asty. Qazir biz odan týyndaǵan máselelerdi kórip otyrmyz. Áıtse de bolashaqta qarjy sektorynyń damýy qarqyny sondaı joǵary bolmasa da barynsha ornyqty jáne myqty bolady", - deıdi Devıd Oýen.
Halyqaralyq valıýta qorynyń Taıaý Shyǵys pen Ortalyq Azııa elderi boıynsha departamenti dırektory orynbasarynyń sózine qaraǵanda, Qazaqstannyn qarjy sektorynyń damýynda 2007 jylǵa deıingi aýqymdy ósim endi qaıtalanbaıdy. Ornyqty damý úshin endi ishki qarjylandyrý kózderin órkendetýge kóbirek kóńil bólý qajet. Bul sátti júzege asatyn bolady. Ózge qarjy naryqtary ishki oblıgatsııalardy damytý óte mańyzdy dep sanaıdy. Bul aqsha-nesıe saıasatyn nyǵaıta túsedi.
