Qazaqstannyń qarjy polıtseıleri kásibı merekelerin atap ótýde

Qarjy polıtsııasy organdarynyń tarıhy 1994 jylǵy 6 maýsymnan bastaý alady. Osy kúni Qazaqstan Respýblıkasy Úkimetiniń qaýlysymen Qarjy mınıstrliginiń salyq qyzmeti quramynda Salyq mılıtsııasy basqarmasy quryldy.

1995 jylǵy 24 sáýirde Qazaqstan Respýblıkasy Prezıdentiniń «Salyq jáne bıýdjetke tólenetin basqa da mindetti tólemder týraly» zań kúshi bar Jarlyǵymen salyq polıtsııasy organdarynyń mártebesi men qurylymy odan  ári quqyqtyq negiz aldy.

1997 jylǵy 22 sáýirde «Qazaqstan Respýblıkasynyń quqyq qorǵaý organdarynyń júıesin odan ári reformalaý jónindegi sharalar týraly» Qazaqstan Respýblıkasynyń Jarlyǵymen Qarjy mınıstrligi Salyq polıtsııasy komıtetiniń Bas basqarmasy negizinde Qarjy mınıstrliginiń Salyq polıtsııasy departamenti quryldy.

1997 jylǵy 8 jeltoqsanda «Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkasynyń Zańymen salyq polıtsııasy qylmystar men quqyq buzýshylyqtardy anyqtaý jáne olardyń jolyn kesý, zańnamada belgilengen shekte qylmystyq qýdalaýdy júzege asyrý boıynsha arnaıy quqyq qorǵaý organy mártebesine ıe boldy.

2001 jylǵy 22 qańtarda Qazaqstan Respýblıkasy Prezıdentiniń «Qazaqstan Respýblıkasynda quqyq qorǵaý qyzmetin jetildirý jónindegi sharalar týraly» Jarlyǵymen Qazaqstan Respýblıkasynyń Qarjy polıtsııasy agenttigi quryldy. Oǵan qarjylyq jáne ekonomıkalyq qyzmet salasyndaǵy quqyq buzýshylyqtyń aldyn alý, anyqtaý jáne jolyn kesý mindetteri júktelgen.

2002 jylǵy 4 shildede «Qazaqstan Respýblıkasynyń qarjy polıtsııasy organdary týraly» Qazaqstan Respýblıkasynyń Zańy qabyldandy.

2003 jylǵy 23 jeltoqsanda Qazaqstan Respýblıkasy Prezıdentiniń «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» Jarlyǵymen Qazaqstan Respýblıkasy Qarjy polıtsııasy agenttigi Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) bolyp qaıta uıymdastyryldy.

2005 jylǵy 25 aqpanda Qazaqstan Respýblıkasy Prezıdentiniń Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigin (qarjy polıtsııasy) Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde qaıta uıymdastyrý týraly Jarlyǵyna qol qoıyldy.

2010 jylǵy 17 tamyzda Qazaqstan Respýblıkasy Prezıdentiniń Jarlyǵymen qarjy polıtsııasy organdaryna ekonomıkalyq qyzmet salasyndaǵy qylmystardy jáne sybaılas jemqorlyq qylmystardy tergeýdiń derbes quqyǵy berildi.

Búgingi kúni qarjy polıtsııasy organdary sybaılas jemqorlyqtyń aldyn-alýǵa, anyqtaýǵa jáne jolyn kesýge, adam men azamattyń quqyqtaryna, qoǵam men memlekettiń múddelerine qol suǵatyn ekonomıka jáne qarjy salasyndaǵy qylmystyq jáne ózge de quqyqqa qaıshy is-áreketterdi ashýǵa jáne tergeýge baǵyttalǵan quqyqqorǵaý qyzmetin atqaratyn arnaıy memlekettik organdar bolyp tabylady.

2011 jylǵy 20 qazanda Qazaqstan Respýblıkasy Prezıdentiniń Jarlyǵymen Qazaqstan Respýblıkasyndaǵy kásibı jáne basqa meıramdardyń tizimine 6 maýsym - Qarjy polıtsııasynyń kúni engizildi.

Osy kúni Qarjy polıtsııasy agenttiginde jáne qarjy polıtsııasy organdarynyń aýmaqtyq departamentterinde saltanatty jıyndar ótti. Qyzmetinde joǵary jetistikterge jetken qyzmetkerler vedomstvalyq nagradalamen marapattaldy. Saltanatty jaǵdaıda jas qyzmetkerler ant qabyldady.