Qazaqstannyń Qarýly Kúshterinde otshashar bólimshelerdiń oqý jıyndary ótti

ASTANA. QazAqparat - «Jaǵalaý» polıgonynda «Reaktıvti jaıaý ásker otshasharlaryn qoldaný qaǵıdalary» taqyrybynda Qazaqstan Respýblıkasy Qarýly Kúshteri Qurlyq áskerleri otshashar bólimsheleriniń oqý jıyndary aıaqtaldy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Dalalyq jıynǵa qatysýshylar atysty bastaý shebine jasyryn túrde áreket etýdi, oqý jaýyngerlik jaǵdaıdyń ártúrli jaǵdaılarynda nysanany tańdaý, basyp alý jáne shyǵarýdy pysyqtady. Іs-shara barysynda áskerı qyzmetshiler taktıkalyq normatıvterdi zerdelep, RPO-A reaktıvti jaıaý ásker otshasharlaryn qoldanýdyń negizgi qaǵıdattaryn meńgerip, sondaı-aq, tájirıbe júzinde oq atý jattyǵýlaryn oryndady.
 

Qazirgi ýaqytta otshashar tasalanǵan atys núktelerin, jeńil brondalǵan tehnıka men qarsylastyń jandy kúshin joıý úshin arnalǵan jeke qarýdyń qýatty túrleriniń biri bolyp tabylady. Onyń mańyzdy jaýyngerlik artyqshylyǵy artıllerııa men armııalyq avıatsııany qoldaný tıimsiz bolǵan kezde qoljetimsiz nysandardy joıý múmkindigine negizdelgen. Otshashardyń áreket etý qaǵıdaty joǵary qysym jáne joǵary temperatýralyq alańmen joıqyndaý aıasyn qurýda negizdelgen.