Qazaqstannyń Qarýly Kúshterinde aýqymdy tekserý ótýde
Atalmysh tekserý qysqy oqytý kezeńiniń qorytyndysy boıynsha bólimshelerdiń jaýyngerlik ázirligi men jaýyngerlik qabilettiliginiń deńgeıin baǵalaý úshin barlyq áskerı bólimder men túrler, ásker tekteri quramalarynda jáne óńirlik qolbasshylyqtarda ótkiziledi, dep habarlaıdy QR QM baspasóz qyzmeti.
Negizgi maqsaty jeke quramnyń mashyǵyn, vzvod, rota, quramalar men bólimderdiń batalondary basqarmalarynyń jaýyngerlik daıarlyǵynyń shynaıy deńgeıin, bólimshelerdiń qoıylǵan jaýyngerlik tapsyrmalardy qysqa merzimde oryndaýǵa ázirlikterin jan-jaqty tekserý, sondaı-aq, oqý-jaýyngerlik tapsyrmalardy pysyqtaý barysynda bólimsheler men olardyń basqarý organdarynyń jaýyngerlik daıarlyǵy men úılesimdiligi, jaýyngerlik daıarlyq josparlary men baǵdarlamalaryn oryndaý deńgeıine baǵa berý bolyp tabylady.
QR QK Bas shtabymen arnaıy keshendi komıssııa quryldy. Atalǵan komıssııa elimizdiń barlyq óńirlerine jiberildi.
Baqylaý tekserisi eki kezekte ótkiziledi. Tekserýge batalondardyń (dıvızıondardyń) barlyq basqarmalary, vzvodtar, rotalar (batareıalar) jáne jaýyngerlik oq atýlar men taktıkalyq oqý-jattyǵýlardy ótkize otyryp, shtattyq jaýyngerlik tehnıkasy bar olarǵa teńestirilgender tartyldy. Vzvodtar men rotalar jaýyngerlik oq atýlar (VJA), rotalyq taktıkalyq jáne jaýyngerlik oq atýlary bar arnaıy oqý-jattyǵýlar barysynda tekseriledi.
Tekseriletin pánderdiń qatarynda oq atý, taktıkalyq, arnaıy daıyndyq, urys mashınalaryn júrgizý, áskerı topografııa, ınjenerlik, dene jáne saptyq daıarlyq bar. Sonymen qatar, komıssııa qarý-jaraq pen áskerı tehnıkanyń jaı-kúıin, baǵynysty quramalarda jaýyngerlik daıarlyqty basshylyqqa alý jónindegi laýazymdy adamdardyń jumysynyń uıymdastyrylý júıesin, jaýyngerlik jáne jumyldyrý ázirligin tekseredi.
Árbir áskerı qyzmetshige jeke dara tártipte jáne bólimsheler quramynda teorııa júzinde ǵana emes, sonymen birge, is júzinde emtıhan tapsyrýǵa týra keledi. Oqytý pánderi boıynsha baqylaý sabaqtary bólimderdiń udaıy ornalasý pýnktterinde jáne oqý-jattyǵý ortalyqtary men polıgondarda ótýde.
Alǵashqy kúnniń qorytyndysy boıynsha joǵary nátıjeler kórsetip kele jatqan birqatar áskerı qyzmetshiler jaqsy jaǵynan atap ótildi. Olardyń qatarynda 10810 áskerı bóliminiń tankti batalon komandıri podpolkovnık Erbol Áýbákirov. Onyń bólimshesi oq atý daıarlyǵynda úzdik nátıjeler kórsetti. Praktıkalyq oq atýlarda 32039 áskerı bólimi 1-motoatqysh rotasynyń 2-motoatqysh vzvody men 91678 áskerı bólimi taýly-egerlik rotasynyń komandırleri leıtenant Darhan Bekembaı men ulan kapıtany Jomart Abdýlaev úzdikterdiń arasynan top jardy.
