Qazaqstannyń Qarýly Kúshteri oqý-jattyǵý dabyly boıynsha kóterildi (FOTO)

ASTANA. QazAqparat - Búgin Qazaqstannyń Qarýly Kúshteri jáne basqa áskerı quralymdary dabyl boıynsha kóterildi. QR Qorǵanys mınıstri Imanǵalı Tasmaǵambetovtiń jeke baqylaýymen elimizdiń áskerı basqarý organdary men Qarýly Kúshter áskerleriniń jaýyngerlik ázirligi iske asyryldy. Bul týraly QR Qorǵanys mınıstrliginiń baspasóz qyzmetinen habarlady.

Іs-sharany aýqymdy oryndaý úshin Respýblıkalyq jedel shtab qurylǵan bolatyn. Qarýly Kúshterden qarý-jaraqtarmen jáne áskerı tehnıkalarmen qatar jeke quramnan 500-den astam adam, sondaı-aq berilgen aýdanǵa birikken kúshter men zattardy jóneltý úshin QR QK ÁQK Áskerı-áýe kúshterinen áskerı-kóliktik avıatsııa tartyldy.

Oqý-jattyǵý dabyly - «Áleýmettik sıpattaǵy tótenshe oqıǵalar týyndaǵan kezde memlekettik organdardyń ózara is-qımyly» oqý-jattyǵýynyń bóligi bolyp sanalady. Atalǵan is-shara elimizde tótenshe jaǵdaılardyń qaýpi tóngende jáne týyndaǵan kezde jınaqtalǵan is-qımyl, biryńǵaı jumystarǵa memlekettik organdardyń qabilettiligi men daıarlyq deńgeıin arttyrý maqsatynda ótkiziledi.