Qazaqstannyń kardıohırýrgııalyq qyzmetine zertteýdiń joǵary tehnologııalyq ádisteri engizilýde
ASTANA. 10 sáýir. QazAqparat - Qazaqstanda kardıohırýrgııa men kardıologııadaǵy zertteýlerdiń joǵary tehnologııalyq ádisteri joǵary baǵaǵa laıyq,
dedi rm.kz. saıtyna bergen arnaıy suhbatynda E.N.Meshalkın atyndaǵy Novosibir qan aınalymy patologııasyn ǵylymı-zertteý ınstıtýtyndaǵy endovaskýlıarly hırýrgııa bóliminiń meńgerýshisi Aleksandr Osıev.
«Búgingi tańda Qazaqstandaǵy klınıkalar tıisti quralmen jabdyqtalǵan, sol sııaqty dárigerler de tıisti mamandandyrýdan ótti. Tehnologııany tıisti deńgeıinde ustap otyrý úshin mamandardy únemi oqytýdan ótkizip otyrý kerek», - dedi Aleksandr Osıev «Qazaqstandyq ınterventsııalyq kardıologtar jáne rentgenhırýrgtar qoǵamy» respýblıkalyq qoǵamdyq birlestiginiń І sezini ń aıasynda.
Ol sondaı-aq ózara yntymaqtastyq, tehnologııany únemi oqý men tájirıbe almasý óte mańyzdy ról atqaratynyn atap ótti.
«Men Qazaqstan kardıohırýrgtarymen aradaǵy yntymaqtastyqty jáne klınıkalaryńyzdyń jabdyqtalýyn qazaqstandyq deńgeıge saı dep baǵalaımyn», - dedi ol.
A.Osıev sondaı-aq Ulttyq ǵylymı kardıohırýrgııalyq ortalyqtyń qyzmetine qatysty óz oıyn bildirdi.
«Bul ortalyqqa keletin bolsaq, klınıkada barlyq zamanaýı tehnologııalar paıdalanylady. Aldaǵy ýaqytta álem boıynsha óte sırek kezdesetin tehnologııalar osy ortalyqqa jetedi», - dep túıindedi A.Osıev.
