Qazaqstannyń qandaı jobalary shveıtsarııalyq bıznesmender úshin tartymdy
ASTANA. QazAqparat - Qazaqstanda kásipkerlik rýhy seziledi. Mundaı pikirdi qazaqstandyq-shveıtsarııalyq bıznes-keńes aıasynda BAQ ókilderine suhbat bergen Shveıtsarııanyń Ekonomıka, bilim jáne zertteý federaldy departamentiniń basshysy Iohann Shnaıder-Amman bildirdi, dep habarlaıdy QazAqparat tilshisi.
«Qazaqstanda óte qyzyqty ári ózgermeli jaǵdaıda tur. Osydan bes jyl buryn kelgenimde bul jerdegi adamdardyń ózgeristerge, bolashaq pen progresske umtylatyndyǵyn baıqaǵan edim. Al bul joly kelgenimde kásipkerlik rýhyn baıqadym. ıAǵnı, elde ol damyp kele jatyr. Keshe Aqtaý portynda bolǵandymda oǵan kózim jete tústi. Ol elde ne bolyp jatqanynyń, kásipkerlik rýhy qalaı damý ústinde ekendigin shynaıy dáleli bola aldy. Sondyqtan Qazaqstanǵa, onyń Úkimeti men ekonomıkasyna barlyq jaqsylyqty tileımin. Biz qandaı da bir jobaǵa seriktes bolarymyzǵa senimim mol», - dedi ol.
Sonymen qatar ol Qazaqstanǵa kelýiniń úsh sebebin atady.
«Birinshiden, Qazaqstan men Shveıtsarııa kóptegen halyqaralyq uıymda jáne halyqaralyq tuǵyrnamalarda yntymaqtastyqty jolǵa qoıǵan. Ekinshiden, Shveıtsarııa «Bir beldeý, bir jol» bastamasyn júzege asyrýǵa óziniń qatysýy úshin múmkinshilikterdi zerdeleýdi qalaıdy. Úshinshiden, menimen 20 shveıtsarııalyq kompanııanyń ókilderi keldi. Olar Qazaqstannyń bıznes toptary ókilderimen kezdesip, ózara tıimdi yntymaqtastyqty tyńǵylyqty talqylaıtyn bolady», - dedi I.Shnaıder-Amman.
