Qazaqstannyń qandaı taýarlary shetelde suranysqa ıe
«Taýarlardy eksporttaý geografııasy keńeıip, qazirgi ýaqytta 123 elge 800-ge jýyq taýar túri eksporttalady. Keıbir taýar túrlerin eksporttaıtyn jańa ótkizý naryqtary ashyldy. Mysaly, 2018 jyly biz mashına jasaý ónimderin jáne qurylys materıaldaryn Ózbekstanǵa, hımııa ónimderin Ýkraınaǵa jetkizýdi bastadyq», - dedi J. Qasymbek.
Onyń atap ótýinshe, azyq-túlik ónerkásibiniń ónimderi shetelderde úlken suranysqa ıe. Eksporttyń somalyq kólemi 112 mln AQSh dollaryn qurady. Atap aıtqanda, Iranǵa, Bahreınge et ónimderin jetkizý bastaldy, Reseıge et ónimderi, mal jáne ósimdik maılary, Qytaıǵa ósimdik maıy, Ózbekstanǵa qant eksporty artty.
«Buǵan saýda mıssııalaryn jáne otandyq ónimdi ilgeriletý boıynsha jarnama-tanystyrý sharalaryn uıymdastyrý sııaqty eksporttaýshylarǵa servıstik qoldaý kórsetý aıtarlyqtaı oń áserin tıgizdi», - dedi mınıstr.
