Qazaqstannyń IT salasyna bes myńnan asa maman qajet - Bilim mınıstrligi
ASTANA. QazAqparat - Qazaqstan boıynsha IT-tehnologııa salasyna bes myńnan asa maman qajet. Bul týraly búgin QR Bilim jáne ǵylym vıtse-mınıstri Elmıra Sýhanberdıeva málim etti.
«Aqparatttyq tehnologııalar álemdi basqaryp otyr, sondyqtan, bizde aqparattyq kommýnıkatsııalyq tehnologııalardy damytýǵa kúsh salýymyz kerek. jalpy alǵanda, Qazaqstannyń IT salasyna bes myńnan asa joǵary bilimdi maman qajet»,-dedi búgin vıtse-mınıstr Orta Azııanyń bilim berýdegi aqparattyq-kommýnıkatsııalyq tehnologııalar jónindegi sımpozıýmyna qatysa otyryp.
Aıta keteıik, sımpozıým barysynda Qazaqstan, Qyrǵyzstan, Mońǵolııa, Tájikstan, Ózbekstan, Koreıa men ıÝNESKO-nyń Bangkoktaǵy bıýrosynyń ókilderi kásiptik-tehnıkalyq bilim berý salasyndaǵy aqparattyq tehnologııalar jónindeshi úzdik jobalaryn tanystyrdy.
E.Sýhanberdıevanyń aıtýynsha,Qazaqstan osy eldermen tájirıbe almasý baǵdarlamasyn engizbek. Ásirese, vıtse-mınıstr atap ótkendeı, Qazaqstan Koreıa eliniń aqparattyq tehnologııalar salasyndaǵy tájirıbesine qyzyǵýshylyq tanytyp otyr eken.
