Qazaqstannyń IT-mamandary Smart Turkistan qurylysynyń kirpishin qalady

TÚRKІSTAN. QazAqparat - Búgin Túrkistan qalasynda Túrkistan oblysyn tsıfrlandyrý boıynsha «Smart Turkistan» atty forýmy ótti. Basqosýǵa 120-dan asa qazaqstandyq ІT-qaýymdastyq ókilderi men oblys turǵyndary, jergilikti atqarýshy organdary men joǵary oqý oryndarynyń ókilderi, úkimettik emes uıymdar men ulttyq kompanııalar, ǵylymı-zertteý ınstıtýttary men bıznes qaýymdastyqtar qatysty, dep habarlaıdy QazAqparat tilshisi.

Forým aıasynda Qazaqstannyń IT-mamandary aqyldy qalany qurý úshin ınnovatsııalyq ıdeıalardy qosyp qana qoımaı, bir sózben aıtqanda Túrkistannyń qurylysyna kirpish qalady.
«Biz qala turǵyndary úshin yńǵaıly jáne qoljetimdi ınfraqurylymdy jasaıtyn, aqyldy qalany qurý men basqarý ıdeıalaryn talqylaıtyn nysanǵa keldik, jáne bizge osy jerde ózimizge qurylysta kirpish qalaýymyzdy usyndy. Bul kútpegen jaıt, alaıda óte áserli boldy», - dedi sharaǵa qatysýshy Oljas Turǵambekuly.
«Smart Turkistan» forýmynda tsıfrlandyrý boıynsha Túrkistan oblysynyń damý tujyrymdamasy men qyzmet kórsetý úlgisin tanystyrdy. Memlekettik-jeke seriktestik jáne t.b. ózara qarym-qatynastyń tıimdi úlgisi retinde Vendor Management Office (VMO) arqyly AKT - sheshimderdi jetkizýshilermen jumys isteýdiń ashyqtyǵyn engizýdiń jobasyn kórsetti. Sondaı-aq, elimizde alǵash ret memleket pen jetkizýshiler úshin óz suraýlaryn jasaý men qalyptastyrý úrdisinde turǵyndardy belsendi túrde tartýdy boljaıtyn, memleketti basqarýda adamǵa baǵdarlanǵan tásildi engizý boıynsha jańa úlgi tanystyryldy.
Budaın keıin qatysýshylar densaýlyq saqtaý men bilim berý, áleýmettik baǵyt pen kólik jáne qaýipsizdik salalary boıynsha pikirtalas ótkizdi. Onda ýrbanıstıka men mádenıet, din jáne týrızm, memlekettik basqarý men TÚKSh, aýyl sharýashylyǵy men aqparattyq tehnologııalar, telebaılanystar jóninde usynystaryn ortaǵa saldy.