Qazaqstannyń isker áıelderi qaýymdastyǵy 2 myńnan astam áıeldi jańa mamandyqqa oqytty

ASTANA. QazAqparat - Qazaqstannyń isker áıelderi qaýymdastyǵy 5 jylda 2 myńnan astam áıelge bilim berdi. Bul týraly qaýymdastyq prezıdenti Raýshan Sársembaeva málim etti.

«Jumyspen qamtý - 2020» jobasy aıasynda sońǵy bes jyldyń ishinde Astana men Almaty qalalarynda 2 myńnan asa áıelge naryqta eń qajetti mamandyqtar boıynsha bilim berdik. Olardyń 5 paıyzy kásipker atandy. Al 80 paıyzy Qazaqstannyń isker áıelderi qaýymdastyǵyna múshe bıznes áıelderdiń ıeligindegi óndiristerge jumysqa ornalasty», - deıdi ol.

Qazaqstannyń isker áıelderi qaýymdastyǵy 20 jyldyǵyn atap ótýde. Soǵan oraı, «Jan qanaty» atty kitap basylyp shyqty. Oraı túsip turǵanda ol Qazaqstannyń barsha áıelderin 8 naýryz merekesimen quttyqtady.