Qazaqstannyń isker áıelder qaýymdastyǵyna 15 jyl toldy
Konferentsııaǵa QR Eńbek jáne halyqty áleýmettik qorǵaý mınıstri Gúlshara Ábdihalyqova, qaýymdastyqtyń 18 óńirlik fılıaldarynyń basshylary, áıelder saıasaty baǵytynda áriptesteri ıÝSAID uıymynyń mamandary, QR Prezıdenti janyndaǵy Otbasy jáne genderlik saıasat jónindegi komıssııa ókilderi qatysýda.
«Qazaqstannyń áıelder qozǵalysynyń bastaýlarynda Іsker áıelder qaýymdastyǵy turdy. Sol mezetten, 90-shy jyldardyń orta kezinde biz úshin jańa bolyp tabylǵan «gender», «kásipkerlik», «áıelder qozǵalysy», «áıelderdiń qatysýy» degen túsinikter ene bastady. Osy istiń bas-qasynda qaýymdastyq júrdi, elimizde osy túsinikterdi jandandyrdy, jańa úlgide jumys jasaı bastady»,-dedi QR Eńbek jáne halyqty áleýmettik qorǵaý mınıstri Gúlshara Ábdihalyqova.
Qazaqstannyń isker áıelder qaýymdastyǵynyń tóraıymy Raýshan Sársembaevanyń aıtýynsha, uıym áıelderdiń kásipkerlik, saıasat salalaryndaǵy múddelerin qorǵaý, sonymen qatar áıelderdi jumyspen qamtý, biliktiligin arttyrý, otbasy jáne densaýlyq syndy áleýmettik qajettilikterin qanaǵattandyrý maqsatyn ustanyp keledi. «15 jyl jyl ishinde biz myńdaǵan áıelge kómek qolyn sozyp, olardyń qoǵamdaǵy rólin arttyrýǵa septestik. Jyl saıyn bizdiń qaýymdastyqqa 5 myńnan asa áıel qatynasady»,-dep atap kórsetti R.Sársembaeva.
Onyń aıtyp ótkenindeı, qazirgi ýaqytta qaýymdastyq negizin qalap otyrǵan 1 myńǵa tarta múshe bar. «Qazaqstan óńirlerinde, qalalarynda uıym jumysyn, bastamalaryn, ıdeıalary men baǵdarlamalaryn iske asyratyn negizgi kúsh te osy belsendi músheler, aldyńǵy qatarly áıelder»,-deıdi ol.
Respýblıkalyq otyrysta Іsker áıelder qaýymdastyǵy óńirlik fılıaldarynyń ókilderi 2010 jylǵy ózderiniń sátti baǵdarlamalary men jobalaryn qorytyndylap, uıymnyń 2011-2013 jyldarǵa arnalǵan damý josparyn qabyldaıdy.
