Qazaqstannyń Іshki ister mınıstrligi jol qozǵalysy týraly jańa zań jobasyn jasap jatyr

 Bul týraly búgin Astanada QR ІІM Jol polıtsııasy komıtetiniń jol qaýipsizdigin qamtamasyz etýdi úılestirý basqarmasynyń bastyǵy Qanat Sádýaqasov málimdedi.

«Mınıstrlikpen kólik apattarynyń sanyn azaıtý boıynsha qyrýar jumystar jasalýda. Qazirgi ýaqytta jol qozǵalysy týraly jańa zań jobasy jasaqtalýda. Jańa zań jobasyn jasaqtaý ýaqyt talaby. Sebebi eski zań sonaý 1996 jyly qabyldanǵan jáne qazirgi zaman talaptaryna jaýap bere almaıdy», - dedi Q.Sádýaqasov Máskeý-Kıshıneý-Baký-Erevan-Kıev-Astana qalalary arasynda ótken beınekópir barysynda.

Onyń keltirgen málimetteri boıynsha, 2012 jyldyń toǵyz aıynda respýblıka joldarynda 11149 jol-kólik oqıǵasy tirkelgen. Sonyń kesirinen 2,3 myńnan astam adam baqılyq boldy. 13 myńnan astam aýyr jaraqattar alǵan. 2011 jylmen salystyrǵanda 3 kórsetkish boıynsha ósim baıqalyp otyr. Basty sebep - jol qozǵalysy erejeleriniń óreskel buzylýy bolyp tabylady.

Basqarma bastyǵynyń aıtýynsha, zań jobasynda jaýapkershilikti kúsheıtý, jol qozǵalysy erejelerin buzý faktilerin baqylaýdy tirkeý júıesin engizý kózdelýde.