Qazaqstannyń ıpotekalyq kompanııasy tikeleı nesıe bere bastady

Bul týraly búgin Almatyda ótken baspasóz máslıhatynda "Qazaqstannyń ıpotekalyq kompanııasy" AQ-nyń basqarma tóraǵasy Azamat Ibadýllaev aıtty.

Esterińizge sala keteıik, QIK buǵan deıin ıpotekalyq nesıelendirýdi ekinshi deńgeıli bankter arqyly júzege asyryp kelgen edi. Al jeke nesıelendirýge kóshýge QIK Qarjy naryǵy men qarjy uıymdaryn retteý jáne qadaǵalaý agenttigine sáýir aıynda ótinish bergen bolatyn. Agenttik maquldaǵan soń QIK tarapynan daıyndyq jumystary júrgizile bastaǵan edi.

Azamat Ibadýllaevtyń aıtýynsha, qazirgi kezde ekinshi deńgeıli bankterde QIK talaptaryna saı keletin nesıelik baǵdarlamalar joq. Sonyń nátıjesinde QIK jeke nesıelendirýge kóshken. «Óz nesıelendirý baǵdarlamamyzdy júzege asyrý arqyly ıpotekalyq naryqty da jandandyrýdy kózdeımiz», - dedi A.Ibadýllaev. Onyń sózine qaraǵanda, QIK turǵyn úıdi satyp alý, salý, kóppáterli turǵyn úı qurylysyna úlestik qatysý, kommertsııalyq múlikterdi satyp alý, jóndeýdi nesıelendirýmen qatar, tutynýshylyq nesıeler bermek. Barlyq baǵdarlama boıynsha nesıelendirý merizimi 3 jyldan 20 jylǵa deıin. Nesıeleý boıynsha eń tómengi paıyzdyq mólsherlemesi 15,5 paıyzdan 17,5 paıyz aralyǵynda.

QIQ basqarma tóraǵasynyń aıtýynsha, nesıelendirý qazirshe Almaty men Astana qalalarynda júzege asyrylady. Bul baǵytta QIK tarapynan 600 mıllıon teńge bólingen. «Eger joba sátti júzege asyp jatsa, ár óńirdegi 12 aımaqtyq ortalyqtarymyz arqyly búkil Qazaqstandy qamtımyz. Bul maqsatta kelesi jyly 7 mıllıard teńge bólinedi», - dedi A.Ibadýllaev.

QazAqparat anyqtamasy: «QIQ»IU» AQ 2000 jyldyń jeltoqsan aıynda qurylǵan. Negizgi aktsıoneri QR Qarjy mınıstrligi bolyp tabylatyn kompanııa paıyzdyq mólsheri tómen nesıege turǵyn úı satyp alý, Qazaqstanda ıpotekalyq nesıe berýde qoljetimdilikti qalyptastyrý baǵytynda jumys isteıdi.