Qazaqstannyń ınjener-qurylysshylary halyqaralyq standarttar boıynsha bilim alady

NUR-SULTAN. QazAqparat – Qazaqstanda buildingSMART kásibı sertıfıkattaý baǵdarlamasy boıynsha qurylys salasynyń kadrlaryn daıarlaýdyń alǵashqy ortalyǵyn qurý týraly kelisim jasaldy, dep habarlaıdy QazAqparat QR Indýstrııa jáne ınfraqurylymdyq damý mınısrliginiń Telegram kanalyna silteme jasap.

Atalmysh kelisim Qazaq qurylys jáne sáýlet ǵylymı-zertteý jáne jobalaý ınstıtýty («QazQSǴZI AQ) Qurylystaǵy ınjener-keńes berýshilerdiń ulttyq qaýymdastyǵy men (QIKUQ, Reseı) Qazaqstanda QazQSǴZI bazasynda jasaldy.

Qurylatyn ortalyq Qazaqstannyń ınjener-jobalaýshylary men qurylysshylaryna keıinnen emtıhan tapsyrý jáne búkil álemde tanylatyn rastaýshy qujattardy alý múmkindigimen qurylystaǵy aqparattyq modeldeý tehnologııalaryna álemdik deńgeıde oqýdan ótýge múmkindik beredi. Ortalyqtyń sertıfıkattalǵan túlekteri buildingSMART International ortalyq ashyq tizilimine engiziledi.

«QazQSǴZI ınstıtýty beıindik mınıstrlikpen QR qurylys salasyna aqparattyq modeldeýdi engizý (QOAMT) baǵdarlamasynyń operatory bolyp taǵaıyndaldy. QOAMT engizý jospary aıasynda qazaqstandyq mamandar halyqaralyq naryqta básekeles bolýy úshin halyqaralyq uıymmen shart jasasý týraly sheshim qabyldandy. QazQSǴZI ınstıtýty buildingSMART International akkredıtatsııasyn alý úshin birneshe parametrler boıynsha baǵalandy. Olar: oqytý uıymy retinde tájirıbe men múmkindikter, oqytýshylar quramynyń tehnıkalyq bilimi, oqytýdy júrgizý úshin ınfraqurylymnyń bolýy», - dep túsindirdi «QazQSǴZI» AQ Damý jáne tsıfrlandyrý jónindegi basqarýshy dırektory Aleksandr Shahnovıch.

Búgingi tańda buildingSMART Intrernational halyqaralyq uıymynyń búkil álem boıynsha 23 fılıaly bar. Reseılik buildingSMART bólimshesi 2017 jyly Reseıdegi alǵashqy qurylystaǵy ınjener-keńes berýshileriniń kásibı birlestigi - QIKUQ negizinde quryldy. QIKUQ buildingSMART-tan basqa, Halyqaralyq ınjener-keńes berýshiler federatsııasynyń (FIDIC) tolyq quqyqty múshesi bolyp tabylady.