Qazaqstannyń ınternet kommertsııaǵa qatysý kórsetkishi qandaı
«Máselen, sońǵy 30 sekýndtyń ishinde álem boıynsha ınternet arqyly 1,2 mln dollarǵa saýda-sattyq jasaldy. Ol aqshanyń basym bóligi - 387 myń dollar AQSh-tyń úlesinde. Odan keıin Qytaı men Japonııa keledi. Al Qazaqstanda qalaı? Sońǵy 30 sekýndtyń ishinde qazaqstandyqtar ınternet arqyly 2,7 dollarǵa ǵana saýda jasady. Árıne, bul - kúlkili kórsetkish. Degenmen, ony áli de arttyrý qajet. «Tsıfrlyq Qazaqstan» baǵdarlamasy aıasynda Qazaqstan ınternet kommertsııany arttyra alatynyna senim mol», - deıdi Qazaqstannyń ınternet bıznesi men mobıldi kommertsııa qaýymdastyǵynyń prezıdenti Konstantın Gorojankın.
Onyń aıtýynsha, Qazaqstanda ınternetti paıdalanýshylar az emes. Degenmen, olardyń barlyǵy birdeı elektrondy kommertsııaǵa sene bermeıdi.
Aıta keteıik, keshe elordadaǵy «Qazmedıa» ortalyǵynda «Astana Media Week» aptalyǵy bastaldy . Búgingi «Astana Digital Forum» da atalǵan sharanyń aıasynda ótip otyr. Osy forýmnyń ashylý saltanatynda QR Aqparat jáne kommýnıkatsııalar mınıstri Dáýren Abaev tsıfrlandyrýdy qarapaıym mysaldarmen túsindirdi . Al "CEO Select Communication Group"-tyń ókili Vıktor Elıseev tsıfrlandyrý aıasynda jumyssyzdyqqa daıyn bolý qajettigin jetkizdi .