Qazaqstannyń ımıdjin qalyptastyrǵan 10 brend
ASTANA. 19 maýsym. QazAqparat - Kez kelgen memlekette óziniń ımıdji men bet-beınesi bar.
Bul óz kezeginde, eldiń jaǵymdy jáne jaǵymsyz jaǵynan tanymal bolýyna áser etedi. Mysalǵa, AQSh dollarmen, Makdonaldspen; Reseı Gorbachevpen, Pýtınmen, qatty qysymen, Aýǵanstan esirtkimen jáne tálibtermen assotsıatsııalanady.
Al qandaı keıipkerler men oqıǵalar Qazaqstandy tanymal etedi? Bul suraqqa Vlast jýrnaly jaýap berýge tyrysqan. Basylym negizgi 10 brendti alǵa tartty. Olar:
Munaı - Qazaqstan álem elderinde birinshi kezekte dál munaımen assotsıatsııalanady. Alǵashqy qazaqstandyq munaı 1899 jyldyń qarashasynda óndirile bastady. Qazir Qazaqstanda jyl saıyn 81 mıllıon tonna munaı shyǵarylady. Boljamdar boıynsha, munaı qory qazaqstandyqtarǵa aldaǵy 50-60 jylǵa jetedi.
Baıqońyr - Qazaqstan aýmaǵynda ornalasqan álemdegi alǵashqy jáne eń iri ǵarysh aılaǵy. «Baıqońyrdan» Jerdiń alǵashqy jasandy serigi ushyryldy, osy jerden Ǵaryshqa alǵashqy adam attandy.
Nursultan Nazarbaev - Qazaqstan Prezıdenti. Álemniń kóptegen adamdarynda Qazaqstan eldiń Tuńǵysh basshysy N.Nazarbaevpen assotsıatsııalanady. Ol Qazaq eliniń prezıdenti bolyp alǵysh ret 1990 jyly saılandy.
Qazaqstannyń EQYU-ǵa tóraǵalyǵy jáne EQYU-nyń Astanadaǵy sammıti - 2010 jyly Qazaqstan TMD elderi arasynda Eýropadaǵy qaýipsizdik jáne yntymaqtastyq uıymyna birinshi bolyp tóraǵalyq etti. Tóraǵalyqtyń núktesi retinde Astanada EQYU Sammıti ótkizildi. Oǵan EQYU-ǵa qatysýshy 56 eldiń, yntymaqtastyqtaǵy 12 seriktes-eldiń, sondaı-aq ózge de halyqaralyq jáne óńirlik uıymdardyń basshylary, úkimet basshylary men joǵary laýazymdy tulǵalary qatysty.
"Pro Team Astana" velokomandasy. Komandanyń tarıhı betteri Aleksandr Vınokýrovtyń 2006 jyly Výeltada jeńiske jetýinen jazyla bastady. "Pro Team Astana" osy ýaqytqa deıin jeke jáne komandalyq syndarda alǵashqy oryndardy alyp keldi jáne solaı bolyp qala berýde.
Nevada-Semeı - 20 jyl buryn qoǵam qaıratkeri Oljas Súleımenov antııadrolyq qozǵalys uıymdastyrdy. Qazaq jerine jáne halqyna qasiret alyp kelgen Semeı ıadrolyq polıgony 1991 jyly jabyldy.
Borat - attas fılmniń oıdan shyǵarylǵan keıipkeri. Kıno Qazaqstan týraly reportaj jasaý úshin AQSh-ǵa attanǵan «qazaqstandyq» reporter týraly. Fılmniń stsenarııi dóreki qaljyńdar men burmalanǵan faktilerden quralǵan, krıtıkter ony komedııa dep ataıdy. Kartına álemde tanymaldylyqqa ıe boldy.
2003 jyldan bastap, ár úsh jyl saıyn Astanada Álemdik jáne dástúrli dinder kóshbasshylarynyń sezi ótedi. 2012 jyly ótken IV sezge álemniń 40 elinen 87 delegatsııa qatysty.
7-inshi Qysqy Azııa oıyndary - 2011 jyldyń qańtar-aqpanynda Astana men Almaty qalalarynda ótti.
Kóńildi jáne tapqyrlar komandasy - Qazaqstannyń alǵashqy komandasy 2000 jyly KVN-nyń Joǵarǵy lıgasynda «Qazaqstandyq joba» ataýymen oınaı bastady. Óziniń alǵashqy oıynynda komanda ekinshi oryn aldy, biraq fınalǵa aqyry shyǵa almady. 2001 jyly qazaqstandyq «kóńildi jáne tapqyrlar» «Astana quramasy» atala bastady. 2005 jyly qaıta rebrendıng jasalyp, olar "Astana.kz" ataýymen óner kórsete bastady. 2006 jyly qatysýshylar alǵash ret jartylaı fınalǵa ótip, úshinshi oryn aldy. Al 2010 jyly "Kazahı" KVN komandasy paıda boldy, oǵan eski quramnyń músheleri endi. Komandaǵa jeńis úshin 0,6 ball jetpeı qaldy.
