Qazaqstannyń IKU-ǵa tóraǵalyǵynyń kún tártibinde bilim salasyn damytý týraly másele kóterilýi tıis

Búgin «Islam Konferentsııasy Uıymyna Qazaqstan tóraǵalyǵynyń kún tártibi» atty taqyrypta ótken semınar-trenıngte «Ál Shams Kapıtal» bankiniń basqarma basshysy, professor Ádilet Jábıev osyndaı pikir bildirdi.

«Tarıhı qalyptasqan jaǵdaılar boıynsha Qazaqstan teńdessiz ǵylymı áleýetke ıe bolyp otyrǵany anyq. Sonymen qatar, Islam Konferentsııasy uıymynyń qatarynda 57 memelkettiń bolatynyn eskersek, solardyń árqaısysy da osyndaı áleýetke qol jetkizip otyrǵan joq. Árıne, bul jaǵymsyz bolǵanymen, naqty fakti. Sondyqtan Qazaqstan tóraǵalyq basymdyǵyn bilim salasyn damytýǵa burǵany durys», - dedi Á. Jábıev. Sondyqtan da onyń paıymdaýynsha, Qazaqstan tóraǵalyǵynyń kún tártibinde ıslam álemindegi bilim berý salasyn qamtý mańyzdy bolmaq. Bul rette bank basshysy táýelsizdik alǵannan keıin bilim salasy jetkilikti deńgeıde damymaı, kerisinshe quldyrap ketken ıslam memleketterin de mysal keltirdi. Bundaı quldyraý el damýynyń keleshegine de keri áserin tıgizetini aıqyn. «Máselen, Indonezııa áli kúnge tehnıkalyq kadrlarynyń basym bóligin shet memleketterde oqytyp keledi», - dedi Á. Jábıev.