Qazaqstannyń hokkeıshi stýdentteri qola medalmen elge oraldy

ASTANA. QazAqparat - 2023 jylǵy qysqy Ýnıversıadanyń qola júldegerleri – hokkeıshi stýdentter elge oraldy. Astana qalasynyń áýejaıynda olardy QR Ǵylym jáne joǵary bilim vıtse-mınıstri Qýanysh Erǵalıev, jankúıerleri jáne týǵandary qarsy aldy, dep habarlaıdy QazAqparat.

«Búgin biz 2023 jylǵy qysqy Ýnıversıadanyń qola júldegerlerin qarsy aldyq. Hokkeıshiler toptyq kezeńde keremet nátıje kórsetti. Qazaqstan quramasy qatarynan tórt ret jeńiske jetti, atap ótsek, Ońtústik Koreıany 5:1, Majarstandy 9:1, Ulybrıtanııany 15:1 jáne Slovakııany 4:0 esebimen jeńip, tek Kanada men AQSh quramalaryna ese jiberdi. Al «qola» úshin oıynda japondyqtardy 8:1 esebimen jeńdi», - dedi Qýanysh Erǵalıev.

Esterińizge sala keteıik, 2023 jyldyń 12-22 qańtar aralyǵynda Qazaqstannyń stýdenttik qurama komandasy AQSh-tyń Leık-Plesıd qalasynda ótken XXXI Dúnıejúzilik qysqy Ýnıversıadaǵa qatysty. Jalpy komandalyq esepte bizdiń sportshylar 11 medalmen 11-shi orynǵa ıe boldy. ıAǵnı úsh altyn, tórt kúmis jáne tórt qola enshiledi.

Budan buryn habarlanǵandaı, Ýnıversıadada shaıbaly hokkeıden Qazaqstan stýdentter quramasy qola júldeger atandy.

Foto: t.me/gylym_jogary_bilim