Qazaqstannyń hokkeı quramasy Polshadaǵy álem chempıonatynda úshinshi jeńisine qol jetkizdi
ASTANA. QazAqparat - Qazaqstan quramasy Polshada ótken álem chempıonaty birinshi dıvızıonynyń úshinshi matchynda Japonııany 7:2 esebimen utty, dep habarlady Sports.kz.
Birinshi kezeńniń ózinde Andreı Nazarovtyń shákirtteri basymdyq tanytty, tabloda Kevın Dallmen, Fedor Polışýk pen Roman Starchenkonyń esimderi kórinis tapty. Kelesi shaıbany kórermenderdiń uzaq kútýine týra keldi, ekinshi jıyrma mınýttyqta sırena óship turdy. Úshinshi kezeńde Shýheı Kýdjı aıyrmashylyqty azaıtty, Roman Starchenko men Fedor Polışýk qaqpaǵa qosarly shaıba kirgizse, Konstantın Rýdenko, Evgenıı Rymarev pen Go Tanaka bir-bir shaıbadan soqty.
24 sáýirde Astana ýaqyty boıynsha saǵat 00:00-de qazaqstandyqtar Polsha quramasymen kezdesedi.
